Bibliography
Z
Raineri, Osvaldo. “Il Malke’ dell’Abuna Ya’qob nella liturgia etiopica.” Ephemerides liturgicae 93 (1979): 227–33.
ፍሥሐጽዮን ባርናባስ, ed. ናይ ብፁዕ አቡነ ያዕቆብ (ዩስጢኖስ) ኀጺር ገድልን ማሕሌትን. አሥመራ: ኮከበ ጽባሕ, ፲፱፻፷፯.
-
- ሰላም፡ ለዝክረ፡ ስምከ፡ ዘያስተፌሥሕ፡ በዜና፨
- ወለሥዕርትከ፡ ሰላም፡ ዘተቀብአ፡ በቅድስና፨
- ወላዴ፡ አእላፍ፡ ያዕቆብ፡ ዘታልግቅ፡ በዕሪና፨
- አልብሰነ፡ ለውሉድከ፡ ዐራተ፡ መላእክት፡ ንጽሕና፨
- በከብካበ፡ ሰማይ፡ ንሳተፍ፡ ዘተሠርዐ፡ መና፨
-
- ሰላም፡ ለርእስከ፡ ዘየዐውዶ፡ ሡራሔ፨
- ወዓዲ፡ ገጽከ፡ ዘምሉእ፡ ሥነ፡ ቅያሔ፨
- መስተገብረ፡ ጽድቅ፡ ያዕቆብ፡ ዘትዘርእ፡ እንበለ፡ ቱሳሔ፨
- መግበነ፡ በረድኤትከ፡ ሲሳየ፡ መላእክት፡ ስባሔ፨
- ከመ፡ ንልሀቅ፡ ቦቱ፡ ለዋሕድ፡ ኤሎሄ፨
-
- ሰላም፡ ለቀራንብቲከ፡ ዘሥነ፡ ራእዮን፡ ኵሕል፨
- ወለአዕይንቲከ፡ ሰላም፡ ማኅፈዳተ፡ ብርሃን፡ ጽዱል፨
- ካህነ፡ ቅዳሴ፡ ያዕቆብ፡ ዘውገ፡ ሱራፌል፨
- አስተስሪ፡ ለነ፡ በጸሎትከ፡ ምልእተ፡ ምሕረት፡ ወሣህል፨
- እስመ፡ በዓለ፡ ገጽ፡ አንተ፡ ቅድሜሁ፡ ለቃል፨
-
- ሰላም፡ ለፀአተ፡ ነፍስከ፡ በዝማሬ፡ ወበስብሐት፨
- እንተ፡ ትጉሃን፡ መላእክት፨
- ብፁዕ፡ ያዕቆብ፡ ዘበተዐግሦ፡ ብሑት፨
- ፍዳ፡ ዘመነንከ፡ ዲበ፡ ምድር፡ ክብረ፡ ኀላፊ፡ ሢመት፨
- መፍትው፡ ለከ፡ ዘሰማይ፡ መንግሥት፨
-
- ሰላም፡ ለበድነ፡ ሥጋከ፡ ወለግንዘትከ፡ በክብር፨
- ወለመቃብሪከ፡ ዓዲ፡ ዘይተልዎ፡ ምሥጢር፨
- ፈዋሴ፡ ድዉያን፡ ያዕቆብ፡ ወመቅለሌ፡ ብዙኅ፡ ጻዕር፨
- ተነግረ፡ በውስተ፡ ኵሉ፡ ኀይለ፡ ረድኤትከ፡ መንክር፨
- ዘተውህበ፡ ለከ፡ እምአምላክ፡ ኄር፨
-
- አምኃ፡ ሰላም፡ ወክብር፡ ለውዳሴከ፡ ይደሉ፨
- ለለ፡ አሐዱ፡ አሐዱ፡ ዘበበ፡ ክፍሉ፨
- መርሐ፡ ዕዉራን፡ ያዕቆብ፡ ለክርስቶስ፡ ጸዋሬ፡ መስቀሉ፨
- ከመ፡ አኃዊከ፡ ብፁዓን፡ እለ፡ ገዳማቱ፡ ዔሉ፨
- መንፈሰ፡ ጥበብ፡ ሀበነ፡ አሠረከ፡ ንትሉ፨