Bibliography
Z
ገብረ-የሱስ ኃይሉ. ገድል ወማኅሌት ዘብፁዕ አቡነ ገብረ-ሚካኤል። ሰማዕት ኢትዮጵያዊ. አሥመራ: ቤት ማኅተም ጴጥሮስ ሲላ, ፲፱፻፵፩.
-
- ሰላም፡ ለዝክረ፡ ስምከ፡ በሰማይ፡ ዘላዕሉ፨
- ተሳተፈ፡ ክብር፡ ምስለ፡ ሚካኤል፡ መልአከ፡ ኀይሉ፨
- ብፁዕ፡ ገብረ፡ ሚካኤል፡ ለክህነተ፡ ዚአየ፡ አክሊሉ፨
- እንዘ፡ እዌጥን፡ አነ፡ ለሰብሖ፡ መልክእ፡ ለኵሉ፨
- ኀይለ፡ ረድኤትከ፡ ምስሌየ፡ የሀሉ፨
-
- ሰላም፡ ለርእስከ፡ ነጸብራቀ፡ ብርሃን፡ ክሉል፨
- እንዘ፡ ቀዲሙ፡ ጥዩቀ፡ በዘይተ፡ ተክህኖ፡ ጥሉል፨
- ሶበ፡ እጼውዕ፡ ስመከ፡ አባ፡ ገብረ፡ ሚካኤል፨
- ነጽር፡ መንገሌየ፡ በዐይነ፡ ምሕረት፡ ወሣህል፨
- ወባልሐኒ፡ እምንዳቤ፡ ወእምእኩይ፡ ሀጕል፨
-
- ሰላም፡ ለአእጋሪከ፡ ውስተ፡ ጕንደ፡ አውልዕ፡ ዘተሞቅሓ፨
- እንዘ፡ ኢያንሶሰዋ፡ በሕቁ፡ በዘዲቤሆን፡ ተወጥሐ፨
- ማእከለ፡ ሕማም፡ ገብረ፡ ሚካኤል፡ ዘአስተርአይከ፡ ፍሡሐ፨
- ሶበ፡ አንገፍካ፡ ለነፍስየ፡ ዘኀጢአትየ፡ ላሃ፨
- እምተመነይኩ፡ እኩን፡ ሰማዕተ፡ ክርስቶስ፡ ንጹሐ፨
-
- ሰላም፡ ለሞትከ፡ ዕረፍተ፡ ጻድቃን፡ ዘኮነ፨
- አምሳሊሁ፡ ለኢየሱስ፡ ዘሞተ፡ በእንቲአነ፨
- ለነኒ፡ ሀበነ፡ ገብረ፡ ሚካኤል፡ አቡነ፨
- ለነፍስነ፡ ሞገሰ፡ ወለልብነ፡ ዛህነ፨
- ወኅሉቀ፡ ንርክብ፡ ዘነፍስነ፡ ድኂነ፨
-
- ሰላም፡ ለመቃብሪከ፡ ዘኢይትአመር፡ መካኑ፨
- ወለአዕፅምቲከ፡ ሰላም፡ ዘመዐዛ፡ መንፈስ፡ ይጼኑ፨
- ብፁዕ፡ ገብረ፡ ሚካኤል፡ ለክርስቶስ፡ ካህኑ፨
- ሀበነ፡ ረኪቦቶ፡ በዘጸጋከ፡ ንዜኑ፨
- ሀብተከ፡ ወበረከተ፡ እንዘ፡ ላዕሌነ፡ ትፌኑ፨