መልክአ፡ ገብረ፡ ዮሐንስ፡
Malkəʾa Gabra Yoḥannəs
Image of Gabra Yoḥannəs
-
- ናሁ፡ ወጠንኩ፡ ገብረ፡ ዮሐንስ፡ ለመልክእከ፡ ማሕሌቶ፨
- ለእግዚአብሔር፡ አምላክ፡ እንዘ፡ ኣቀድም፡ አእኵቶቶ፨
- እስከ፡ እፌጽም፡ ኪያሁ፡ ወእሰብክ፡ አምሳለ፡ ቲቶ፨
- ዘያሴስል፡ እምኅሊናየ፡ ለንዋመ፡ ሀሌት፡ ሙቀቶ፨
- ለመንቅሒ፡ አልባብ፡ ጰራቅሊጦስ፡ ሀበኒ፡ ንቅሐቶ፨
-
- ሰላም፡ ለዝክረ፡ ስምከ፡ ዘይጥዕም፡ እምጣዕመ፡ መና፨
- ወያስተፌሥሕ፡ ፈድፋደ፡ እምወይነ፡ ትፍሥሕት፡ ዘቃና፨
- ገብረ፡ ዮሐንስ፡ ጻድቅ፡ መፍቀሬ፡ ጸሎት፡ ወጽሙና፨
- አስትየኒ፡ ስቴ፡ ጥበብ፡ እንተ፡ ያጐስእ፡ ልቡና፨
- ነገረ፡ ውዳሴከ፡ እስብክ፡ ወእዜኑ፡ ዜና፨
-
- ሰላም፡ ለእንግድዓከ፡ ወለመስቀልከ፡ ዘዲቤሁ፨
- ዘመካናተ፡ ያወልድ፡ እለ፡ ይስትያ፡ ሕፃባቲሁ፨
- ወድዉያነ፡ የሐዩ፡ ሶበ፡ አምኁ፡ ኪያሁ፨
- መድምም፡ ግብርከ፡ እግዚአ፡ ገብረ፡ ዮሐንስ፡ እኁሁ፨
- ለዮሐንስ፡ ከማ፡ መምህር፡ ዘአዳም፡ ምሕሮሙ፨
-
- ሰላም፡ ለትንሣኤከ፡ ለእመ፡ ፍጡራን፡ እማሕፀና፨
- በስብሐት፡ ወክብር፡ አመ፡ ሰማያት፡ ይረስና፨
- ዜና፡ ጽድቅከ፡ እዜኑ፡ ገብረ፡ ዮሐንስ፡ እንጦና፨
- ተሐውር፡ በኀይለ፡ መንፈስ፡ እስከ፡ ውሳጤሃ፡ ለጻና፨
- ወኢየሩሳሌም፡ ትበጽሕ፡ ለብሩህ፡ ደመና፨
-
- በዝንቱ፡ ማሕሌተ፡ መልክእከ፡ እምስርወ፡ ልቡ፡ ወኅሊናሁ፨
- ሶበ፡ ይስእለከ፡ ትኩዝ፡ ወይጼውዐከ፡ በአፉሁ፨
- ገብረ፡ ዮሐንስ፡ ብጽሖ፡ ፍጡነ፡ ለኑዛዜሁ፨
- ወበሎ፡ አስጣዌ፡ ቃል፡ እንዘ፡ ትቀውም፡ ቅድሜሁ፨
- ፈጸምኩ፡ ስእለተከ፡ ወሰለጥኩ፡ ናሁ፨
-
- ለኬጥሮ፡ ጋውሎስ፡ ምሉእ፡ ሶበ፡ ሐልቀ፡ ምዝር፡ ዘውስቴቱ፨
- ገብረ፡ ዮሐንስ፡ በረከተከ፡ በከመ፡ መላእከ፡ ቦቱ፨
- በረከተከ፡ ዓሣት፡ ክልኤ፡ ወኅብስተ፡ ትእምርት፡ ኃምስቱ፨
- ምላእ፡ ውስተ፡ ደብርከ፡ ወዲበ፡ ጉባኤነ፡ ዝንቱ፨
- በነሢአ፡ ጸጋከ፡ አብያቲነ፡ በሰላም፡ ንእቱ፨
-
- ሰላም፡ ለከ፡ በአምኃ፡ ሰላም፡ ፍጽምት፡ ገብረ፡ ዮሐንስ፡ ካህን፨
- ዘያስተፌሥሐ፡ ለብእሲ፡ ኅዙን፨
- ዜናከ፡ አምሳለ፡ ወይን፨
-
- ሰላም፡ ለከ፡ ገብረ፡ ዮሐንስ፡ ዘትንብር፡