Details
-
- እግዚአብሔር፡ እግዚእ፡ ፈጣሬ፡ ኵሉ፡ ፍጥረት፨
- ከመ፡ ኣንብብ፡ ጥቀ፡ መልክአ፡ አግናጥዮስ፡ ሰማዕት፨
- ርድአኒ፡ ሊተ፡ ለፍቁርከ፡ ትሑት፨
- በእንተ፡ ማርያም፡ ድንግል፡ በቅድስና፡ ሥርጉት፨
- ወበእንተ፡ ቅዱሳን፡ አበው፡ ወዓዲ፡ መላእክት፨
-
- ንዌድሰከ፡ በጸውዖ፡ ክቡረ፡ ስመከ፨
- በፍቅረ፡ ኢየሱስ፡ ክርስቶስ፡ እንተ፡ ከዐውከ፡ ደመከ፨
- አግናጥዮስ፡ ሰማዕት፡ ናስተበቍዐከ፨
- ወበኪዳንከ፡ ንቁም፡ ጥቃ፡ እግዚእከ፨
- ንትመሐፀን፡ ወትረ፡ ፍቁራን፡ ሕዝብከ፨
-
- ሰላም፡ ለዝክረ፡ ስምከ፡ ዘተጽሕፈ፡ በሰማይ፨
- ሶበ፡ ተጋደልከ፡ በምድር፡ በስመ፡ አምላክ፡ አዶናይ፨
- አግናጥዮስ፡ ጥቡዕ፡ ለተወክፎ፡ ብዙኅ፡ ሥቃይ፨
- አዕድወኒ፡ ለፍቁርከ፡ እምባሕረ፡ እሳት፡ ዐባይ፨
- እስመ፡ መተንብል፡ አንተ፡ ለብእሲ፡ ጊጉይ፨
-
- ሰላም፡ ለመቃብሪከ፡ ዘተቀብረ፡ ቦቱ፨
- ትራፈ፡ አናብስት፡ ዐፅምከ፡ እስከ፡ በትንሣኤ፡ ተሐቱ፨
- አግናጥዮስ፡ መምህር፡ ለእግዚአብሔር፡ ሰማዕቱ፨
- ዕቀበነ፡ ለውሉድከ፡ በኪዳንከ፡ ዝንቱ፨
- አዕርክተ፡ ዚአከ፡ ኢንጥፋእ፡ በከንቱ፨
-
- ተወከፍ፡ አምኃየ፡ ዘአቅረብኩ፡ ለከ፨
- አግናጥዮስ፡ ቅዱስ፡ እንዘ፡ እጼውዕ፡ ስመከ፨
- እስመ፡ አገበረኒ፡ ሊተ፡ ምሉአ፡ በረከት፡ ገድልከ፨
- ወምስለ፡ ቅዱሳን፡ አበው፡ ነግሀ፡ ወሰርከ፨
- ለባርኮትየ፡ ነዓ፡ ለኃጥእ፡ ፍቁርከ፨
- ተረፈ፡ መልክእ፡
-
- አምላከ፡ ምድር፡ ወሰማያት፡ አምላከ፡ ቅዱስ፡ አግናጥዮስ፡ ሰማዕት፨
- በእንተ፡ ስምከ፡ ዘሞተ፡ እንበለ፡ ፍርሀት፨
- ባርከነ፡ ለአግብርቲከ፡ በእንተ፡ ማርያም፡ ቅድስት፨
- እስመ፡ አንተ፡ አምላክነ፡ አቡሃ፡ ለምሕረት፨