Details
-
- በስመ፡ እግዚአብሔር፡ ኣቀድም፡ እንዘ፡ እተሉ፡ አእኵቶ፨
- እስመ፡ አብዝኀ፡ ላዕሌኪ፡ ወአፈድፋደ፡ ስብሐቶ፨
- ጸበለ፡ ማርያም፡ እስብክ፡ ዜና፡ ውዳሴኪ፡ በኢያስትቶ፨
- ሥመሪ፡ ቃለ፡ አፉየ፡ ወተወከፉ፡ ሰእለቶ፨
- አምኃ፡ ሰላም፡ ዘይሁበኪ፡ ኢይኩን፡ ከንቶ፨
-
- ሰላም፡ ለዝክረ፡ ስምኪ፡ በዜና፡ ቃለ፡ ጽድቅ፡ ዘተባየጾ፨
- ለስመ፡ ማርያም፡ ድንግል፡ ዘኢረከባ፡ ተዐቅጾ፨
- ጸበለ፡ ማርያም፡ እንግር፡ ስብሐቲከ፡ በኢያሕጽጾ፨
- ጸግውኒ፡ ብዕለ፡ ጥበብ፡ ወሐውጽኒ፡ ሐውጾ፨
- ለግዘዘ፡ ጌጋይ፡ ዘልብየ፡ ጻማኪ፡ ይቅፍጾ፨
-
- ሰላም፡ ለሥዕርተ፡ ርእስኪ፡ ዘጽፍሮሁ፡ ነኪር፨
- ወለርእስኪ፡ ድሉል፡ በቅብአ፡ ሃይማኖት፡ ደብር፨
- ጸበለ፡ ማርያም፡ ጠባብ፡ ከአ፡ አርዌ፡ ምድር፨
- ወዓዲ፡ ከመ፡ ርግብ፡ ጸወሪተ፡ ክሥራት፡ መጾር፨
- በክንፈ፡ ምግባራት፡ ከመ፡ ትስርሪ፡ ውስተ፡ ዖፍ፡ ዘፍቅር፨
-
- ሰላም፡ ለቆምኪ፡ ወለመልክእኪ፡ በበ፡ ፍቅዱ፨
- በሥርጐ፡ ሰማያት፡ ወሥን፡ እለ፡ ተሠርገዋ፡ ለለ፡ አሐዱ፨
- ለእግዚአብሔር፡ ጸባኦት፡ ጸበለ፡ ማርያም፡ ታቦተ፡ ወልዱ፨
- ለነፍስየ፡ ሶበ፡ አጽሀባ፡ ለቀላየ፡ ጌጋይ፡ ሞገዱ፨
- ውስተ፡ መንገለ፡ ዛህን፡ ወመርስ፡ በክንፍኪ፡ ዕዱ፨
-
- እማኀፈደ፡ ሥጋ፡ ጊዜ፡ ትወፅእ፡ ጸበለ፡ ማርያም፡ ነፍስኪ፡ እንበለ፡ ጻዕር፨
- ከመ፡ በስብሐት፡ ትንበር፡ ለዝሉፋ፡ ውስተ፡ ሰማያዊት፡ ሀገር፨
- ከመ፡ እሌኒ፡ ጸዊራ፡ መስቀለ፡ ሞታ፡ ክቡር፨
- እንዘ፡ ይብሉ፡ ተቀብለዋ፡ ላእካነ፡ ክርስቶስ፡ በኵር፨
- ይትባረክ፡ እግዚአብሔር፡ በአፈ፡ ኵሉ፡ ፍጡረ፨
-
- ሰላም፡ እብል፡ ለበድነ፡ ሥጋኪ፡ ቅድው፨
- እንተ፡ ቦ፡ ላዕሌሁ፡ ዘመንፈስ፡ ቅዱስ፡ ልብው፨
- ጸበለ፡ ማርያም፡ ክድነንኒ፡ በአክናፍኪ፡ ምንትው፨
- ኢይኩን፡ ጽጌ፡ ገድልኪ፡ በሐሩረ፡ ፀሓይ፡ ዘምጽልው፨
- ወኢያጻምዋኒ፡ ፍናዋት፡ ዘበድው፨
- ወመንክር፡ ዘዐቀባ፡ እምስውር፨
-
- ሰላም፡ ለመቃብርኪ፡ ዘትስመይ፡ ንህበት፨
- እንተ፡ ይእቲ፡ ኀይከል፡ ለዕፀ፡ መድኃኒት፨
- ምዕዝተ፡ ምግባር፡ እምኮል፡ ጸበለ፡ ማርያም፡ ቅድስት፨
- የማነ፡ ኪዳንኪ፡ ጽዱቅ፡ ወጸሎትኪ፡ ውክፍት፨
- ዐቃቤ፡ ትኩነነ፡ በኵሉ፡ ሰዓት፨
-
- ሰላም፡ ለኅሩያንኪ፡ ዘምስለ፡ ቶማስ፡ ቀሲስ፨
- ጸበለ፡ ጊዮርጊስ፡ ወአቢብ፡ ወቴዎድሮስ፨
- እሉ፡ እሙንቱ፡ ንጹሓነ፡ ምግባር፡ ውዱስ፨
- ጸበለ፡ ማርያም፡ ትንባሌኪ፡ እንዘ፡ ትትኴነነ፡ ለዘኵልነ፡ ነፍስ፨
- ወለጸሓፉሁ፡ ደመ፡ ክርስቶስ፡ ትዕቀቦ፡ እምባእስ፨
- ተረፈ፡ መልክእ፡
-
- ሰላም፡ ለኪ፡ ጸበለ፡ ማርያም፡ ተሐራሚት፨
- እምእክለ፡ መዐዛ፡ ወእክለ፡ ወርዙት፨
- ተውላጠ፡ ሕማምኪ፡ በሥጋ፡ መጠነ፡ ብዙኀ፡ ዓመታት፨
- በገነተ፡ ጽጌ፡ ኀበ፡ ተነጽፈ፡ ዕረፍት፨
- ከመ፡ ንባእ፡ አኃውኪ፡ አስተብቍዖ፡ እኅት፨