Details
-
- ሰላም፡ ለከ፡ ገብረ፡ ክርስቶስ፡ መናኔ፡ መርዐት፡ ወአገጽዎ፨
- ወሐውዘ፡ ዓለም፡ ዘኢያፍተዎ፨
- ፈጽሞ፡ ነገሩ፡ ኢክህሉ፡ እመ፡ ፈቀዱ፡ ለአለብዎ፨
- ሰላመ፡ መልክኡሰ፡ አንሰ፡ ከመ፡ እዜኑ፡ ዜንዎ፨
- ረትዐኒ፡ ጥቀ፡ እምጥንቱ፡ እትልዎ፨
-
- ሰላም፡ ለዝክረ፡ ስምከ፡ ወለሥዕርተ፡ ርእስከ፡ ድሉል፨
- ለርእስከኒ፡ ዘክላሌሁ፡ ምስሐል፨
- ገብረ፡ ክርስቶስ፡ ብፁዕ፡ እንተ፡ ንእደከ፡ ወንጌል፨
- ከመ፡ እንግር፡ ኂሩተከ፡ ነፋሰ፡ ልባዌ፡ ወቃል፨
- በምድረ፡ ኅሊናየ፡ ትንፋሕ፡ ማርያም፡ ድንግል፨
-
- ሰላም፡ ለገጽከ፡ ወለቀራንብቲከ፡ ካዕበ፨
- ምስለ፡ አዕይትን፡ ወአእዛን፡ እለ፡ ይነብሩ፡ ቅሩበ፨
- ገብረ፡ ክርስቶስ፡ ባሕርይ፡ እንተ፡ አልብከ፡ ሐሳበ፨
- ጸውዐኒ፡ ለምስኪንከ፡ ጊዜ፡ ትገብር፡ ከብካበ፨
- ወእምጥበብከ፡ ሊተ፡ ሀበኒ፡ ጥበበ፨
-
- ሰላም፡ ለበድነ፡ ሥጋከ፡ ሊቀ፡ ጳጳሳት፡ ዘገነዛ፨
- ለግንዘትከኒ፡ ወለመቃብሪከ፡ ገነተ፡ ዖዛ፨
- ገብረ፡ ክርስቶስ፡ ጽጌ፡ ወጼና፡ ስኂን፡ ዘጠረጴዛ፨
- ሶበ፡ አእመረት፡ ቃለ፡ ትእምርት፡ ወዘዚአከ፡ መዐዛ፨
- እፎ፡ በከየት፡ እምከ፡ መርኬዛ፨
-
- እንዘ፡ ኢያረትዕ፡ ቃለ፡ ወኢያእምር፡ ትርጓሜ፨
- ናሁ፡ አብጻሕኩ፡ ለመልክእከ፡ እስከ፡ ፍጻሜ፨
- ገብረ፡ ክርስቶስ፡ ጴጥሮስ፡ ወጳውሎስ፡ ዘብሔረ፡ ሮሜ፨
- ከመ፡ እጠንቅቅ፡ በተአምኖ፡ ምግባረ፡ ዐዚዝ፡ ሱላሜ፨
- ዓመተ፡ ትፍሥሕት፡ ሀበኒ፡ ወስከኒ፡ ዕድሜ፨