Details
-
- ሰላም፡ ዝክረ፡ ስምከ፡ በኍልቈ፡ መጻሕፍት፡ ሥላሴ፨
- እግዚአብሔር፡ ዘኀረዮ፡ ለምድረ፡ ተስፋ፡ ጽድቅ፡ ወራሴ፨
- መዋኤ፡ ጽልመት፡ አቢብ፡ ዘውገ፡ ኦርያሬስ፡ ወቢጸ፡ ብናሴ፨
- አብርህ፡ ዐይነ፡ ልብየ፡ ለስመ፡ ዚአከ፡ ውዳሴ፨
- ከመ፡ እንብብ፡ በትፍሥሕት፡ ከይድየ፡ ከይሴ፨
-
- ሰላም፡ ለሥዕርትከ፡ በክሳደ፡ ርእስ፡ ዘተናውኃ፨
- እንዘ፡ ይሰቀይ፡ ዘልፈ፡ ፈለገ፡ ደም፡ ቀይሐ፨
- ብፁዕ፡ አቢብ፡ ዘተኰነንከ፡ ብዙኀ፨
- እንዘ፡ ትዘከር፡ በልቡና፡ ሕማማተ፡ ክርስቶስ፡ ዘአሜሃ፨
- በዐውደ፡ ጲላጦስ፡ ዘቆመ፡ አእዳዎ፡ ስፉሐ፨
-
- ሰላም፡ ለፀአተ፡ ነፍስከ፡ እደ፡ ወልደ፡ አምላክ፡ ዘሠዐላ፨
- ወአዕረጋ፡ በክብር፡ እንበለ፡ ሕማም፡ አርያመ፡ ተድላ፨
- ወልደ፡ አብርሃም፡ አቢብ፡ ለኃሪክ፡ ፍሬ፡ አስካላ፨
- አስትየኒ፡ ለበግዕከ፡ ፈለገ፡ ጸበልከ፡ ገብላ፨
- ወኖላዊኪ፡ አነ፡ ለነፍስየ፡ _ላ፨
-
- ሰላም፡ ለክብረ፡ ዜናከ፡ እምዜና፡ ቅዱሳን፡ ብዑድ፨
- ወእምሰማዕታት፡ ዓዲ፡ ጻማ፡ ገድልከ፡ ፍድፉድ፨
- ኮለ፡ ሮቤል፡ አቢብ፡ በሰይፈ፡ ሐራዊ፡ ግሙድ፨
- ባርከኒ፡ ለጸማድከ፡ ከመ፡ ባረከከ፡ ወልድ፨
- በረከተ፡ ኪዳን፡ ታትርፍ፡ ለዘለከ፡ ጸማድ፨
-
- ናሁ፡ ፈጸምኩ፡ ውዳሴ፡ መልክእከ፡ በልሳንየ፡ ድኩም፨
- እንዘ፡ እትአመን፡ አንሰ፡ በረድኤትከ፡ ቃውም፨
- ብፁዕ፡ አቢብ፡ አስተበቍዐከ፡ ዮም፨
- ከመ፡ ትዕሥየኒ፡ ዐስበ፡ ጻማየ፡
- [The remainder of the text is lost.]