Details
-
- በስመ፡ አብ፡ ወወልድ፡ ወመንፈስ፡ ቅዱስ፡ ሥላሴ፨
- ናሁ፡ ኣቄርብ፡ ለስምከ፡ ቃለ፡ ውዳሴ፨
- አብርሃም፡ አንተ፡ ጥንተ፡ ሃይማኖትነ፡ ኦርቶዶክሴ፨
- እምኔከ፡ ቆመ፡ ለዓለም፡ መንግሥተ፡ ዳዊት፡ ዘእሴ፨
- ወክህነቶሙ፡ ለአሮን፡ ወሙሴ፨
-
- ሰላም፡ ለዝክረ፡ ስምከ፡ ዘሆህያቲሁ፡ ኀምስቱ፨
- ወለሥዕርትከ፡ ሰላም፡ እለ፡ ኢኍሉቃት፡ እማንቱ፨
- አብርሃም፡ አንተ፡ ለሕንጻ፡ ዓለም፡ መሠረቱ፨
- ፀአተ፡ ክህነት፡ ወመንግሥት፡ እምኔከ፡ ውእቱ፨
- ወእምወለትከ፡ ኮነ፡ ለክርስቶስ፡ ልደቱ፨
-
- ሰላም፡ ለመልክእከ፡ ብርሃነ፡ ጸጋ፡ ዘተገልበበ፨
- ወለፍልሰትከ፡ ሰላም፡ ሰማያዊት፡ ከብካበ፨
- በአሚኖትከ፡ አብርሃም፡ ወተገዝሮትከ፡ ካዕበ፨
- ጥምቀተ፡ ክርስትና፡ ለመሃይምናን፡ ወሀበ፨
- ክርስቶስ፡ ለክርስቲያን፡ ይኩኖሙ፡ አብ፨
-
- ናሁ፡ አቅረብኩ፡ ኀምሰ፡ ታኅማሰ፨
- ለመልክእከ፡ ተውዳሰ፨
- ተወኪፈከ፡ አብርሃም፡ ሀበኒ፡ ሞገሰ፨
- ወሶበ፡ እጼውዕ፡ በዝንቱ፡ ስመከ፡ ቅዱሰ፨
- እግዚኦ፡ ኀቤየ፡ አሌሊ፡ ገይሠ፨