Details
-
- በስመ፡ እግዚአብሔር፡ ሥሉስ፡ ዘመለኮቱ፡ ዋሕድ፨
- ወበስመ፡ ማርያም፡ ጳጦስ፡ ጸዋሪተ፡ ግሩም፡ ነድ፨
- መጽሐፈ፡ ገድልከ፡ እጽሕፍ፡ ጸውዐተኒ፡ መፍቅድ፨
- ገብረ፡ እንድርያስ፡ አባ፡ ጽዱለ፡ ምግባር፡ መረግድ፨
- እስመ፡ መሰንቆ፡ ፍቅርከ፡ ኮነኒ፡ ለእድ፨
-
- ሰላም፡ ለዝክረ፡ ስምከ፡ ከመ፡ ዝክረ፡ አባ፡ እንጦኒ፨
- ዘበአፈ፡ ኵሉ፡ ይጥዕም፡ ወእምወይነ፡ ቃና፡ ዘይሤኒ፨
- ገብረ፡ እንድርያስ፡ ጻድቅ፡ በትረ፡ ተዐቅቦ፡ ሀበኒ፨
- ኢይደቅ፡ ውስተ፡ እዴሁ፡ ለመልአከ፡ ሥጋ፡ ኰናኒ፨
- ከመ፡ በኲናት፡ ወጽቁ፡ ፊንሐስ፡ ወአፍኒ፨
-
- ሰላም፡ ለግንዘተ፡ ሥጋከ፡ ተስፋ፡ ሕዝበ፡ ገዳም፡ ወዕፅ፨
- ወለመቃብሪከ፡ ጽርሕ፡ በአእዳወ፡ ኄራን፡ ሕኑጽ፨
- ገብረ፡ እንድርያስ፡ ሙሴ፡ መልአከ፡ አምላክ፡ ለግብጽ፨
- ለዓለም፡ አዕድወኒ፡ እምቀላይ፡ ፍቅራ፡ ሕጹጽ፨
- እስመ፡ ዴገኑኒ፡ ለአህጕሎ፡ እኩያን፡ አብያጽ፨
-
- አምኃ፡ ሰላም፡ አቅረብኩ፡ ለመልክእከ፡ አዳም፨
- እስመ፡ አቅረብከ፡ ወልድከ፡ ብእሴ፡ ሥጋ፡ ወደም፨
- ገብረ፡ እንድርያስ፡ አባ፡ ለነሢአ፡ ጸጋ፡ ፍጹም፨
- የማንከ፡ ትባርከኒ፡ ለኤፍሬም፡ ሥዩም፨
- ከመ፡ ባረኮ፡ ያዕቆብ፡ አቡሁ፡ ዘቅድም፨