Details
-
- ሰላም፡ ለፅንሰትከ፡ ወለልደትከ፡ እማሕፀን፨
- በእሳት፡ ሠናይ፡ ወበሣህላዊ፡ ዘመን፨
- ሕፃነ፡ ኢያሱ፡ ንጉሥ፡ ወልደ፡ ሩፋኤል፡ መስፍን፨
- ተደለውከ፡ ለአሠንዮ፡ ሕንጻ፡ ቤተ፡ ክርስቶስ፡ መድኅን፨
- በብሩር፡ ወወርቅ፡ ዘአልቦ፡ ወሰን፨
-
- ሰላም፡ ለዝክረ፡ ስምከ፡ ዘበኀበ፡ ኵሉ፡ ተጸውዐ፨
- ወበውስተ፡ ኵሉ፡ ተሰምዐ፨
- ወልደ፡ ሩፋኤል፡ መርዓዊ፡ ዘነበርከ፡ በቤተ፡ መርዓ፨
- ነዓ፡ ነዓ፡ ውስተ፡ ቤተ፡ አምላክ፡ ነዓ፨
- ለደቂቀ፡ ዛቲ፡ ደብርከ፡ ትኩነነ፡ መርድዐ፨
-
- ሰላም፡ ለገጽከ፡ ዘቅብአ፡ መንፍሥት፡ ቅቡእ፨
- ወያስተፌሥሕ፡ ለሰብእ፨
- ወልደ፡ ሩፋኤል፡ አቤል፡ ሠዋዔ፡ ምጽዋት፡ በግዕ፨
- ዕቀበኒ፡ በኪዳንከ፡ ለብእሲ፡ ኃጥእ፨
- ኀይለ፡ ኪዳንከ፡ አምላካዊ፡ አኮኑ፡ ጽኑዕ፨
-
- ሰላም፡ ለአፉከ፡ ዘጣዕመ፡ ነገሩ፡ ውዱስ፨
- እንዘ፡ ቅድመ፡ ኵሉ፡ ይትናገር፡ ነገረ፡ ኅድአት፡ ወመርስ፨
- ወልደ፡ ሩፋኤል፡ ዮሐንስ፡ ፍቁረ፡ እግዚእ፡ ክርስቶስ፨
- ለኵሎሙ፡ እለ፡ ሀለዉ፡ በኢትዮጵያ፡ ሐዳስ፨
- አንተ፡ መኰንን፡ ወአንተ፡ ንጉሥ፨
-
- ሰላም፡ ለኵልያቲከ፡ ፍጹመ፡ እለ፡ ተፈትኑ፨
- ለእሳተ፡ ጥበብ፡ በርስኑ፨
- ወልደ፡ ሩፋኤል፡ ዘአንተ፡ ለኢትዮጵያ፡ መስፍኑ፨
- መኑ፡ በኂሩትከ፡ ዘይመስለከ፡ መኑ፨
- እንበለ፡ ቀዳማይ፡ አብርሃም፡ ዘነዊኅ፡ ዘመኑ፨
-
- ሰላም፡ ለመቃብሪከ፡ መቃብረ፡ አበው፡ ነገሥት፨
- ውስተ፡ ደብረ፡ ቍስቋም፡ ቅድስት፨
- እንዘ፡ መቃብሪከ፡ ዝየ፡ ውስተ፡ ቀራንዮ፡ ሕንጽት፨
- መፍትው፡ ለነ፡ ትትመየጠነ፡ ዐይነ፡ ሥጋከ፡ ብርህት፨
- እግዚእነ፡ በጸሎትከ፡ ዘአልቦ፡ ጽልሁት፨
-
- ሰላም፡ ለፍልሰተ፡ ሥጋከ፡ እምሀገረ፡ ከሃ፡ ኀቤነ፨
- ከመ፡ ተሰፈውነ፨
- ወልደ፡ ሩፋኤል፡ ዘኮንከ፡ እንዘ፡ ወላዲ፡ መካነ፨
- ኢህለወ፡ ዐፅመ፡ ሥጋከ፡ ዘያመጽእ፡ ለነ፨
- ባሕቱ፡ ቃለ፡ ፈጣሪ፡ ኢነአምር፡ ንሕነ፨
-
- ስብሐት፡ ለአብ፡ ዘአፈጸመነ፡ በአቅም፨
- ድርሳነ፡ መልክእኡ፡ ለኄር፡ ወልደ፡ ሩፋኤል፡ ቃውም፨
- ወስብሐት፡ ለወልድ፡ መድኃኔ፡ ኵሉ፡ ዓለም፨
- ወስብሐት፡ ልወሕይወቶሙ፡ ዘምስለ፡ ማርያም፡ እም፨
- ለመስቀልኒ፡ በሰጊድ፡ ሰላም፨
-
- ስብሐት፡ ለእግዚአብሔር፡ መኅዳኔ፡ ዓዸም፡ ኵላ፨
- ለሰንበተ፡ ክርስቲያን፡ እንተ፡ አልዐላ፨
- ወልደ፡ ሩፋኤል፡ መሲሕ፡ ዘበርእስከ፡ ቀጸላ፨
- አዝዝ፡ ለነ፡ እግዚኦ፡ በቃለ፡ ጽኑዕ፡ መሐላ፨
- ዘከማከ፡ ይከውነነ፡ ሕፃነከ፡ ተድላ፨
- ተረፈ፡ መልክእ፡
-
- ሰላም፡ ለከ፡ ወልደ፡ ሩፋኤል፡ ወይን፨
- እንተ፡ ሤሙከ፡ በቀርን፨
- መገብተ፡ ኵሉ፡ ፍጥረት፡ ሥላሴ፡ ኄራን፨
- ታጸግብ፡ ዘልፈ፡ ከርሠ፡ ነዳያን፡ ወታረዊ፡ ለጽሙኣን፨
-
- ሰላም፡ ለከ፡ ወልደ፡ ሩፋኤል፡ መጽሐፍ፨
- ዘከሠቱከ፡ አእላፍ፨
- ወዘአንበቡከ፡ በልሳን፡ ወአፍ፨
- እንዘ፡ ይብሉ፡ ቀታሌ፡ እልፍ፨
-
- ሰላም፡ ለከ፡ ወልደ፡ ሩፋኤል፡ ዳግመ፡ ለቤተ፡ ክርስቲያን፡ ሰአላ፨
- እንዘ፡ ታክብራ፡ ወታሌዕላ፨
- ከመ፡ ቀዳሚሃ፡ በጥንተ፡ አካላ፨
- ወግበር፡ ዲበ፡ ርእሳ፡ እንተ፡ ወርቅ፡ ቀጸላ፨