Details
-
- ሰላም፡ ለዝክረ፡ ስምከ፡ ዘመዓድም፡ ዜናሁ፨
- ወለሥዕርትከ፡ ሰላም፡ ዘፀምረ፡ ጌዴዎን፡ አርአያሁ፨
- ዳንኤል፡ ያዕቆብ፡ ለእግዚአብሔር፡ ቍልዔሁ፨
- ባርኮሙ፡ ለደቂቅከ፡ እለ፡ ውስተ፡ እዴከ፡ ናሁ፨
- ከመ፡ ተባረከ፡ ኤፍሬም፡ እምክቡር፡ አቡሁ፨
-
- ሰላም፡ ለርእስከ፡ ዘአሰነዮ፡ ምርታዳ፨
- ወለገጽከ፡ ፍሡሕ፡ አምሳለ፡ ፀሓይ፡ ዘወርኀ፡ መርሙዳ፨
- ዳንኤል፡ ፍቁሩ፡ ለጊዮርጊስ፡ ኮከበ፡ ልዳ፨
- ዕቀበነ፡ ለደቂቅከ፡ አመ፡ ዕለተ፡ በቀል፡ ወፍዳ፨
- ከመ፡ እም፡ ተዐቅብ፡ እምእኩይ፡ ወልዳ፨
-
- ሰላም፡ ለግንዘተ፡ ሥጋከ፡ በዓፅፈ፡ ሃይማኖት፡ ዘለይ፨
- ወለመቃብሪከ፡ ሰላም፡ በደብረ፡ ማርያም፡ ዓባይ፨
- ዳንኤል፡ አቡሁ፡ ለኤዎስጣቴዎስ፡ ኅሩይ፨
- ለእመ፡ ገብሩ፡ ተዝካረከ፡ እስከነ፡ ኅፍነ፡ ቈሪር፡ ማይ፨
- አኮኑ፡ በዓለ፡ ጸጋ፡ ይድኅን፡ ነዳይ፨
-
- አምኃ፡ ሰላም፡ አቅረብኩ፡ በዘተክህለኒ፡ ፍቅረ፨
- እምነ፡ ብዝኀ፡ ፍቅርከ፡ ዘኢየኀልቅ፡ ነገረ፨
- ዳንኤል፡ አቡየ፡ ዘትገብር፡ መንክረ፨
- አምኃከ፡ ንሣእ፡ እግዚኦ፡ በዘይመጽእ፡ ድኅረ፨
- ለዛማይ፡ ክረምት፡ ኂሩትከ፡ የሀቡ፡ መዝሙረ፨
-
- ይትባረክ፡ እግዚአብሔር፡ በአፈ፡ ዘሥጋ፨
- ዘወሀበኒ፡ ቃለ፡ ከመ፡ እወድስከ፡ እንበለ፡ ንትጋ፨
- ዳንኤል፡ ፍቁሩ፡ ለገብረ፡ ናዝራዊ፡ ምሉአ፡ ጸጋ፨
- በገዳም፡ ሰላማዊት፡ ዐቃቤ፡ ሥርዓታ፡ ወሕጋ፨
- ወለረድኤትከ፡ ውስተ፡ ምድርነ፡ ያስተርኢ፡ ፈለጋ፨