መልክአ፡ በርናርዶስ፡ ዘክሌርቮ፡ Malkəʾa Barnārdos za-Klervo

Image of Bernard of Clairvaux

- ሰላም፡ ለዝክረ፡ ስምከ፡ ዘያስተፌሥሕ፡ በዜና፨
- ምሥጢራተ፡ ወንጌል፡ ትስብክ፡ እምነ፡ ዘሰለጥከ፡ ፍና፨
- መምህረ፡ ትሕትና፡ በርናርዶስ፡ እንተ፡ ታልሕቅ፡ በዕሪና፨
- ውሉደ፡ ዚአከ፡ ኅሩያን፡ እለ፡ ወፍሮሙ፡ ጽሙና፨
- እፎኑ፡ ሞእዎ፡ ለእኩይ፡ ኅሊና፨
- ሰላም፡ ለሥዕርተ፡ ርእስከ፡ ሞጣሕተ፡ ስባሔ፡ ወዘምሮ፨
- ወዓዲ፡ ርእሰከ፡ መዝገበ፡ ጥበብ፡ ወአእምሮ፨
- ሊቀ፡ ሊቃውንት፡ በርናርዶስ፡ ዕመቀ፡ ምሥጢራት፡ ዘኢይሴወሮ፨
- አዝአነ፡ ለውሉድከ፡ ወአስተሐይጸነ፡ ምክሮ፨
- ለገራህተ፡ መንፈስ፡ ቅድስናከ፡ ከመ፡ ንክሀል፡ ወፍሮ፨
- ሰላም፡ ለገጽከ፡ በቅብአ፡ ድንጋሌ፡ ጥሉል፨
- ወበግርማ፡ መንፈስ፡ ክሉል፨
- በርናርዶስ፡ ትጉህ፡ ወፈጻሜ፡ ጽኑዕ፡ ገድል፨
- አስተሥሪ፡ ለነ፡ በጸሎትከ፡ ምልእተ፡ ምሕረት፡ ወሣህል፨
- እስመ፡ በዓለ፡ ገጽ፡ አንተ፡ ቅድሜሁ፡ ለቃል፨
- ሰላም፡ ለፀአተ፡ ነፍስከ፡ ወለበድነ፡ ሥጋከ፡ ቅድው፨
- በዘመንፈስ፡ ቅዱስ፡ ፄው፨
- በርናርዶስ፡ ብርሃነ፡ ሲቶ፡ ወዘክሌርቮ፡ ማኅው፨
- ዘአብጠልከ፡ ኀይለ፡ ኑፋቄ፡ ቅድመ፡ ጉቡኣን፡ አበው፨
- ሚኅደረ፡ ቅዱሳን፡ ኮኑ፡ አሕቃላት፡ ወበድው፨
- ሰላም፡ ለግንዘተ፡ ሥጋከ፡ በሠርጐ፡ ሠናይ፡ ግልባቤ፨
- ምስለ፡ ጼና፡ ስሒን፡ ወመዐዛ፡ ከርቤ፨
- ወላዴ፡ አእላፍ፡ በርናርዶስ፡ ዘተቀበርከ፡ በይባቤ፨
- አስተምሕር፡ ለነ፡ ኀበ፡ ፈጣሪ፡ በሰዓተ፡ ኵሉ፡ ምንዳቤ፨
- ወጊዜ፡ ድቀትነ፡ ጥቀ፡ እምእንቋዕ፡ ዘይቤ፨
- አምኃ፡ ሰላም፡ ለከ፡ እምነ፡ አኃው፡ ኵሎሙ፨
- በበ፡ አሐዱ፡ አሐዱ፡ መጠነ፡ ፍቅዶሙ፨
- ፍቁረ፡ ክርስቶስ፡ በርናርዶስ፡ ዘተቀደስከ፡ በንዝኃተ፡ ደሙ፨
- አስተፋጥን፡ በርኅራኄከ፡ ወበእንተ፡ ኵልነ፡ ጻሙ፨
- ከመ፡ ኢይሒጠነ፡ ጸላኢ፡ ዘሰይጣን፡ ስሙ፨

Bibliography Z

Raineri, Osvaldo. “Il libro di preghiere dei Cistercensi etiopici con l’inno a S. Bernardo.” Ephemerides liturgicae 95 (1981): 275–84.

መና ጸሎታት, ፲፱፻፷፱.

ሥርዓተ ዋዜማ ወማኅሌት ዘክብረ በዓሉ ለቅዱስ ብርናርዶስ ኮከበ ገዳማት. ኣሥመራ: ደብረ ፍልሰታ ዘሲታውያን, ፲፱፻፺፮.