Details
-
- ሰላም፡ ለፅንሰትከ፡ ወለልደትከ፡ እምከርሥ፨
- እምቅድመ፡ ትትወለድ፡ ዘኀረየከ፡ ኢየሱስ፡ ክርስቶስ፨
- ዐርከ፡ ኤልያስ፡ ሄኖክ፡ ቢጸ፡ እንጦንስ፡ ወመቃርስ፨
- ባርኮ፡ ባረኩ፡ መላእክተ፡ ሰማይ፡ ሐዳስ፨
- ዘቦሙ፡ መዘምራን፡ ዘባጥያተ፡ ከበሮ፡ ለተውዳስ፨
-
- ሰላም፡ ለህላዌከ፡ እም፡ ገዳም፡ ውስተ፡ ገዳም፨
- ወእምነ፡ በዐት፡ ወጾላዕት፡ ወአእባን፡ ኅቱም፨
- ሄኖክ፡ ስምከ፡ ንቡረ፡ ቅድስት፡ ጽርሐ፡ አርያም፨
- ኣእሚረከ፡ በለብዎ፡ ህልፈተ፡ ዛቲ፡ ዓለም፨
- ምስለ፡ አናብስት፡ ወአናምርት፡ ነበርከ፡ በሰላም፨
-
- ሰላም፡ ለዝክረ፡ ስምከ፡ ዘደመና፡ ሰማይ፡ ትርጓሜሁ፨
- ወጼና፡ ስኂን፡ ጼና፡ መዐዛሁ፨
- ቢጸ፡ ዕዝራ፡ ወሚሳኤል፡ ሄኖክ፡ በህላዌሁ፨
- ነዓ፡ ነዓ፡ እምህላዌከ፡ ጽርሑ፨
- ይባርከነ፡ በስፉሕ፡ እዴሁ፨
-
- ሰላም፡ ለመቃብሪከ፡ ማእከለ፡ ሠላስ፡ አድባር፨
- ወውሒዘ፡ ማይ፡ ምሥጢር፨
- ሄኖክ፡ ለባዊ፡ ወበፍኖተ፡ ጽድቅ፡ ማእምር፨
- ኀይለ፡ ጸሎትከ፡ ያድኅን፡ እምፀር፨
- ወእምነ፡ ጸላኢ፡ ዘግብሩ፡ መሪር፨
- ተረፈ፡ መልክእ፡
-
- ይትባረክ፡ እግዚአብሔር፡ ዘአፈጸመነ፡ ለተናብቦ፨
- ለሰሚዐ፡ እዝን፡ አስተዐጽቦ፨
- በእዝን፡ ለሰሚዕ፡ መኑ፡ ከማከ፡ ቃለ፡ ኪዳን፡ ዘተውህቦ።፡
-
- አባ፡ አባ፨
- ጸሎትከ፡ አባ፨
- ለሀገሪትነ፡ አድኅና፡ እም፡ ዐጸባ፨
-
- ኦብእሴ፡ እግዚአብሔር፡ ዕዝራ፡፡
- ወቡሩከ፡ አምላክ፡ ወሰብአ፡ ማኅበራ፨
- ማእከለ፡ ሰማዕት፡ ወጻድቃን፡ ዘሐነጹ፡ ማኅደራ፡፨