Details
-
- በስመ፡ እግዚአብሔር፡ አብ፡ ዘኮነ፡ ዕሩየ፨
- ወበስመ፡ እግዚአብሔር፡ ወልድ፡ ቅጽበተ፡ ዐይን፡ ዘኢተሌለየ፨
- ወበስመ፡ እግዚአብሔር፡ መንፈስ፡ እንተ፡ ይነብብ፡ ሰደየ፨
- ናሁ፡ ወጠንኩ፡ በዐቅሙ፡ ድርሳነ፡ ሚሳኤል፡ አቡየ፨
- ከመ፡ በሰማይ፡ ይበለኒ፡ ወልድየ፨
-
- ሰላም፡ ለዝክረ፡ ስምከ፡ በስመ፡ ዘባቢል፡ ሚሳኤል፨
- እንተ፡ ተጸውዐ፡ ስመ፡ በአፈ፡ ካህን፡ ልዑል፨
- ሚሳኤል፡ ዝኅርከ፡ በዘሠራዌ፡ ደወል፨
- ከመ፡ እወድስከ፡ መጠነ፡ ዘድኩም፡ ክሂል፨
- ልስሐተ፡ ልሳንየ፡ ይቅስሞ፡ እግዚእከ፡ ቃል፨
-
- ሰላም፡ ለመቃብሪከ፡ እንተ፡ አንቅዐ፡ ማያተ፨
- ለውሉደ፡ ሰብእ፡ ይኩን፡ እንተ፡ ይሁብ፡ ምሕረተ፨
- ሚሳኤል፡ ለሰብእ፡ ወለእንስሳ፡ ወሃቤ፡ ሕይወት፡ አንተ፨
- ተማሕፀነ፡ በመቃብሪከ፡ እንተ፡ ያነሥእ፡ ምዉተ፨
- ከመ፡ ተሀበነ፡ በሰማይ፡ ርስተ፨
-
- አርብዓ፡ ወሰብዕ፡ ሰላመ፡ መልክእከ፡ ጸሐፍኩ፨
- ኢተአኀዝ፡ ሊተ፡ በዘአንተጉ፡ ወበዘወሰኩ፨
- ሚሳኤል፡ ሙሴ፡ ለእግዚአብሔር፡ ላእኩ፨
- ተወኪፈከ፡ አምኃየ፡ በቃለ፡ ኪዳንከ፡ ዝኩ፨
- ኢትርስዐኒ፡ ኀቤከ፡ አስመኩ፨