Subjects
Angelic
አፍኒን፡
ʾAfnin
Ophanim
Ophanim
Malkəʾ
-
- ሰላም፡ ለዝክረ፡ ስምከ፡ ዘይምዕዝ፡ ከልበኔነ፨
- ወዘጊዜ፡ ገሚድ፡ አውያነ፨
- አፍኒን፡ ሥርግው፡ ከመ፡ ሄጶዴጤ፡ ብርሃነ፨
- ዝክረከ፡ ዝክረ፡ አጥናን፡ ከመ፡ ይሰንቁ፡ ይሙነ፨
- ዘመንፈስ፡ ቅዱስ፡ ሀበኒ፡ ልሳነ፨
-
- ሰላም፡ ለአእዛኒከ፡ ማሕሌተ፡ አዋልድ፡ ሰሚዓ፡ ዘኢፈተዋ፨
- ትጉሃነ፡ ሰማይ፡ ቅድመ፡ አመ፡ አዘመዋ፨
- ዐምደ፡ ቤተ፡ እሳት፡ አፍኒን፡ ዘኢኮንከ፡ እምዕፀ፡ ፌዋ፨
- ተማሕፀንኩ፡ በአእዛኒከ፡ ኢይረስየኒ፡ ፄዋ፨
- ጋድርኤል፡ ስሙ፡ ዘጸብአ፡ ለሔዋ፨
-
- ሰላም፡ ለመላትሒከ፡ እለ፡ ይበርቃ፡ በጸዳል፨
- እምሥነ፡ ሑልያስፍ፡ ወአድናኤል፨
- አመ፡ ያቀድም፡ ዐቅሞ፡ አዕማደ፡ ሰማይ፡ ልዑል፨
- እምእሳት፡ በላዒ፡ ወእምነፋስ፡ ቀሊል፨
- በሠርቀ፡ ቀዳሚት፡ በዓል፤ አፍኒን፡ ሥዑል፨
-
- ሰላም፡ ለክሳድከ፡ መልዕልተ፡ መታክፍ፡ ሕኑጽ፨
- እምእሳት፡ ወነፋስ፡ ወአኮ፡ እምዕፅ፨
- አፍኒን፡ ግሩም፡ መልአከ፡ ቅዳሴ፡ ወገጽ፨
- ዘውገ፡ ሱራፌን፡ ወዘውገ፡ ኪሩቤን፡ ቢጽ፨
- በርእሰ፡ መጽሐፉ፡ ለሄኖክ፡ ዝክርከ፡ ሕኑጽ፨
-
- ሰላም፡ ለልብከ፡ ዘኢመከረ፡ ዓመፃ፨
- ከመ፡ አዛዝኤል፡ ያርኢ፡ ገቢረ፡ አስይፍት፡ ወአኅፃ፨
- አፍኒን፡ መልአክ፡ ብዙኃ፡ ቅዳሴ፡ እምኆፃ፨
- አውታረ፡ ማሕሌት፡ ዘትዘብጥ፡ ድኅንፃ፨
- ድኅረ፡ ድልቅልቅ፡ አመ፡ መጽአ፡ ፋፃ፨
-
- ሰላም፡ ለመላክኢከ፡ ኵሎን፡ አምኃ፡ አቄርብ፡ ዘሱላሜ፨
- ምዑዘ፡ ቅዳሴ፡ አፍኒን፡ እምነ፡ ቀጺመት፡ ወአበሜ፨
- ዘነፍኒፈ፡ ስብሐት፡ ደመና፡ ወዘጠለ፡ ስብሐት፡ ጊሜ፨
- መጥወኒ፡ ወይነ፡ ልቡና፡ ወይነ፡ አእምሮ፡ ከራሜ፨
- እንበለ፡ ፍጻሜ፡ እስርቦ፡ ለነዋኅ፡ ዕድሜ፨
-
- ምንተ፡ እዌድስ፡ ኪያከ፡ ውዱሰ፨
- ወምንተ፡ እቄድስ፡ ኪያከ፡ ቅዱሰ፨
- ኀረየከ፡ አብ፡ ወረሰየከ፡ መንፈሰ፨
- አፍኒን፡ እሞገስከ፡ ሀበኒ፡ ሞገሰ፨
- እንበለ፡ ኂሩት፡ ወገድል፡ ዘያጸድቅ፡ ነፍሰ፨
-
- እምፈለገ፡ አፍራጦን፡ ወኤፌሶን፡ እምፈለገ፡ ጤግሮስ፡ ወግዮን፨
- ውሒዘ፡ ዕበድየ፡ በዝኀ፡ እንበለ፡ መስፈርት፡ ወወሰን፨
- አፍኒን፡ ርኅሩኅ፡ ሊቀ፡ ትጉሃን፨
- ናዝዘኒ፡ ለኅዙን፡ በጣዕመ፡ ልሳንከ፡ ወይን፨
- እስመ፡ ኀጢአተ፡ ይሰሪ፡ ካህን፨
-
- መልአከ፡ ዓመፃ፡ ቴጌሬ፡ መልአከ፡ ኀጢአት፡ ቴጌሬ፨
- ናሁ፡ ይፈቅድ፡ የኀጠኒ፡ ዘበጥያሬ፨
- አፍኒን፡ ትጉህ፡ ቀርነ፡ ጽድቅ፡ ቀርነ፡ ዝማሬ፨
- በክነፊከ፡ እመሣግሩ፡ ኩነኒ፡ ስዋሬ፨
- በግበ፡ ዱዳኤል፡ ሕትም፡ ድሩከ፡ ዐንበሬ፨
-
- ነዓ፡ ኀቤየ፡ ምስለ፡ ኪሩቤል፡ አዕዋፈ፡ ነድ፨
- እለ፡ ይጸውሩ፡ ሰማየ፡ ዘሕብረ፡ በረድ፨
- አፍኒን፡ መረግድ፡ በጸዳለ፡ መብረቅ፡ እዉድ፨
- ከመ፡ ነጐድጓድ፡ ቃልከ፡ ረዐድ፨
- ያስምዐኒ፡ ጽድቀ፡ በግርምት፡ ዐውድ፨