Subject
Other
ፍቅር፡
Fəqr
Love
Love
Malkəʾ
-
- ፍታሕ፡ ሊተ፡ ጰራቅሊጦስ፡ ዘልሳንየ፡ ማእሰረ፨
- ትሩፋቲሃ፡ ለፍቅር፡ እስመ፡ እፈቅድ፡ ነጊረ፨
- አኮኑ፡ ኀይልከ፡ ገባሪ፡ ከመ፡ ፈቀደ፡ ወሠምረ፨
- ቦ፡ ጊዜ፡ በልሳን፡ አመ፡ ይዘረወ፡ አህጉረ፨
- ወቦ፡ ጊዜ፡ አመ፡ ረሰዩ፡ አሐደ፡ ማኅበረ፨
-
- ሰላም፡ ለዝክረ፡ ስምኪ፡ ከመ፡ ቃለ፡ ዮሐንስ፡ ማሪ፨
- እንተ፡ ተጸውዐ፡ ቦቱ፡ እግዚአብሔር፡ ፈጣሪ፨
- አሰረ፡ እግዚእነ፡ ፍቅር፡ መራኂተ፡ መምህር፡ ወተመሃሪ፨
- በወርኅኪ፡ ወርኀ፡ ወንጌል፡ ዘትእዛዘ፡ ሕጉ፡ መሓሪ፨
- አልቦ፡ አግዓዚ፡ ወአልቦ፡ ነባሪ፨
-
- ሰላም፡ ለመግነዘ፡ ሥጋኪ፡ ኒቆዲሞስ፡ ዘአምዐዞ፨
- አሠንዮተ፡ እስከ፡ በድን፡ መጽሐፍኪ፡ እስመ፡ አዘዞ፨
- ፈታዊተ፡ ሰላም፡ ፍቅር፡ እንተ፡ ኢትፈቅዲ፡ ተጋእዞ፨
- ሶበሰ፡ ሣህልኪ፡ ለብእሲ፡ እመከራ፡ ዘመን፡ አግዐዞ፨
- ኀዘኖ፡ ይረስዕ፡ ወኵሎ፡ ትካዞ፨
-
- ጰራቅሊጦስ፡ ይብል፡ በእንቲአየ፡ እስመ፡ አፈድፈድከ፡ አንተ፨
- እምናናቲሃ፡ ለፍቅር፡ ዘወሀብኩከ፡ ንስቲተ፨
- በዝየ፡ ሥራዕ፡ ለንግደትከ፡ ዕረፍተ፨
- ምእመነ፡ ኮንከ፡ በውሑድ፡ ወኢደፈንከ፡ መክሊተ፨
- ውስተ፡ ፍሥሓሃ፡ ለእግዝእትከ፡ ተወፈይ፡ መባሕተ፨