Subjects
Trinitarian
ኢየሱስ፡ ክርስቶስ፡
ʾIyyasus Krəstos
Jesus Christ
ʾIyyasus Krəstos
Jesus Christ
Malkəʾ
-
- በእሳተ፡ ፍቅርከ፡ መለኮታዊ፡ ሶበ፡ ኅሊናየ፡ ረስነ፨
- በተሀብሎ፡ ወጠንኩ፡ ዘመልክእከ፡ ድርሳነ፨
- ላእላአ፡ ልሳን፡ ገብርከ፡ ወጸያፈ፡ ቃል፡ አነ፨
- ወእመ፡ አሕፀፅኩ፡ በዕበድየ፡ ዘዕበይከ፡ መጠነ፨
- እግዚአብሔር፡ ኢትግበር፡ ላዕሌየ፡ ደይነ፨
-
- ስብሐት፡ ለዝክረ፡ ስምከ፡ ምሥጢረ፡ ነገሩ፡ ዘተሐትመ፨
- እምእጓለ፡ እመሕያው፡ ድኅረ፡ ወእመላእክት፡ ቅድመ፨
- እግዚአብሔር፡ አምጻኢ፡ እምኀበ፡ አልቦ፡ ዓለመ፨
- በኂሩትከ፡ ባሕቱ፡ ሶበ፡ አእምሮቶሙ፡ ደክመ፨
- ዘይጼውዑከ፡ ቦቱ፡ ወሀብኮሙ፡ ስመ፨
-
- ስብሐት፡ ለኰንኖትከ፡ በምሥጢረ፡ ጥበብ፡ እንግዳ፨
- እንዘ፡ ልብሰ፡ በቀል፡ ትትሞጣሕ፡ እግዚአብሔር፡ በዕለተ፡ ፍዳ፨
- ኢይስእል፡ አብ፡ አሜሃ፡ እምላዕለ፡ ውሉድ፡ አቅልሎ፡ ዕዳ፨
- እምኒ፡ ዘግብረ፡ ርኅራኄ፡ ልማዳ፨
- አንቀጸ፡ ምሕረት፡ ተዐፁ፡ በፍቁር፡ ወልዳ፨
-
- ስብሐት፡ ለከ፡ እግዚአብሔር፡ በኍልቈ፡ ክረምት፡ ወሐጋይ፨
- ስብሐት፡ ለከ፡ እግዚአብሔር፡ በአውራኀ፡ መጸው፡ ወጸደይ፨
- ስብሐት፡ ለከ፡ እግዚአብሔር፡ በኍልቈ፡ ኵሉ፡ ዘይትረአይ፨
- ስብሐተ፡ ቅድምናከ፡ ወትረ፡ ይነግር፡ ሰማይ፨