Subjects
Righteous
አረጋዊ፡
ʾAragāwi
ʾAragāwi
ʾAragāwi
Malkəʾ
-
- እምጥሪተ፡ ጥበብ፡ ወአእምሮ፡ እምቅድመ፡ አጥሪ፡ ጻእጻአ፨
- ቤተ፡ ስብሐቲከ፡ እሕንጽ፡ እስመ፡ ልብየ፡ ተዛአውዐ፨
- አረጋዊ፡ አቡየ፡ እምነ፡ ማኅደርከ፡ ነዓ፨
- ተሐድስ፡ ውስተ፡ ልብየ፡ መንፈሰ፡ ፍቅር፡ ርቱዐ፨
- ዘይገድፍ፡ ፍርሀተ፡ ወያወፅእ፡ አፍአ፨
-
- ሰላም፡ ለዝክርከ፡ እምቀድመ፡ መጽሐፉ፨
- ደመናት፡ ጠለ፡ ቅድመ፡ ይነፍንፉ፨
- አረጋዊ፡ ክርስቶስ፡ ሱታፉ፨
- አጽምዖሙ፡ አባ፡ ኅሊናትየ፡ ይኅልፉ፨
- ለውዳሴከ፡ ገረመኒ፡ ጽንፉ፨
-
- ሰላም፡ ለመስቀለ፡ እዴከ፡ ለትእምርት፡ ዘተገድፈ፨
- ደቂቅከ፡ ላሐ፡ ከመ፡ ያፍጥኑ፡ ነጊፈ፨
- አረጋዊ፡ ኪያከ፡ እስመ፡ ረሰይኩ፡ ሱታፈ፨
- ይትነበብ፡ በቅድሜከ፡ ወይዘከር፡ ዘልፈ፨
- በሰሌዳ፡ ፍቅር፡ ለካእኩ፡ መጽሐፈ፨
-
- ኵሉሰ፡ ገባራዊ፡ እ__መ፡ ጠበዐ፡ ጻ_ዎ፨
- ይትወሀብ፡ ሎቱ፡ ዐሥብ፡ ዘይደልዎ፨
- አረጋዊ፡ ሀበኒ፡ ፍ_፡ ባረከ__ትከ፡ ዘተፈንዎ፨
- ___ዕበተ፡ በረከት፡ ከመ፡ ኤልያስ፡ ጸገዎ፨
- ለዐርኩ፡ ፍቁር፡ ወወልዱ፡ ኤልሳዎ፨