Details
- ማስገቢያ፡
-
- ትትመየጥ፡ ሊተ፡ ሀበ፡ ገጸ፡ ገብርከ፡ ዐይንከ፡ መሓሪት፨
- ዘይኬልላ፡ ብርሃን፡ በመዓልት፡ ወበሌሊት፨
- ኀይለ፡ ሥላሴ፡ ንጉሥ፡ ተቅዋመ፡ ማኅቶት፡ መንግስት፨
- አኮኑ፡ ወጠንኩ፡ ለንግሥከ፡ ነገረ፡ ውዳሴ፡ ወማሕሌት፨
- ልቱተ፡ በዘኮነ፡ አፉየ፡ ልቱት፨
-
- ሰላም፡ ለዝክረ፡ ስምከ፡ ዘተጽሕፈ፡ እምጥንቱ፨
- በእደ፡ ጳጳሳት፡ ባስልዮስ፡ ወጎርጎርዮስ፡ ክልኤቱ፨
- ኀይለ፡ ሥላሴ፡ ንጉሥ፡ በኵረ፡ ዓለማት፡ ዐሥርቱ፨
- ኀቤከ፡ ይምጻእ፡ ተዋሕዶ፡ በአእጋሪሁ፡ ክልኤቱ፨
- ፍና፡ ጳጳሳት፡ ኮነት፡ ዘረትዐት፡ ፍኖቱ፨
-
- ሰላም፡ ለመልክእከ፡ ዘሕብረ፡ ፀሓይ፡ ሕብራ፨
- ሐዋያ፡ ወንጌል፡ ባስልዮስ፡ ሶበ፡ በዐይኑ፡ ነጸራ፨
- ኀይለ፡ ሥላሴ፡ ንጉሥ፡ ምስዋቀ፡ ንህልት፡ ኤርትራ፨
- ለጽርሐ፡ ዝኩ፡ ማርቆስ፡ ተደንግሎ፡ በእደዊሁ፡ ሰፈራ፨
- ባስልዮስ፡ ሐዋርያ፡ ሶበ፡ ርእየ፡ ግብራ፨
- ተረፈ፡ መልክእ፡
-
- በአፈ፡ ትጉሃን፡ ባስልዮስ፡ ሐዋርያ፡ ወበቴዎፍሎስ፡ ሊቅ፨
- ኢየሐልቅ፡ ወትረ፡ ውዳሴ፡ ንጉሥከ፡ ዘጽድቅ፨
- ኀይለ፡ ሥላሴ፡ ሥንከ፡ ዘሥነ፡ ደመና፡ ረቂቅ፨
- ኵሉ፡ ይትፌሣሕ፡ በብዝኀ፡ ብዕሉ፡ ዘይትዌዳዕ፡ ወየሐልቅ፨
- ወለዓለመ፡ ዓለም፡ ውእቱ፡ ዘዘዚአከ፡ አጽቅ፨
-
- መኑ፡ ውእቱ፡ ዘየአድዋ፡ ለባሕረ፡ ተከዚ፡ ጥበብ፨
- እንበለ፡ ዋሕድ፡ ንጉሥ፡ ኀይለ፡ ሥላሴ፡ መክብብ፨
- ኢትዮጵያ፡ ንግሥት፡ መርዓተ፡ ቤቱ፡ ለአብ፨
- ወልድኪ፡ ኀይለ፡ ሥላሴ፡ መልአከ፡ አሕዛብ፡ ወሕዝብ፨
- አምሳሊሁ፡ ዘሰማይ፡ ኮከብ፨