Subjects
Angelic
ራጉኤል፡
Rāguʾel
Raguel
Raguel
Malkəʾ
-
- ሰላም፡ ለዝክረ፡ ስምከ፡ ዝክረ፡ ስመ፡ አብ፡ ኅብእት፨
- ወሞገሰ፡ ኄራን፡ ነገሥት፨
- ራጉኤል፡ መልአክ፡ ወሀቤ፡ ፯ቱ፡ ሀብታት፨
- ጸግወኒ፡ ስመ፡ ዘአስተብርኮ፡ ወስመ፡ ኬንያ፡ ኤላት፨
- እስመ፡ በኅቡእ፡ ስምከ፡ ይትነሣእ፡ ምውት፨
-
- ሰላም፡ ለህላዌከ፡ በማእከለ፡ ሰማይ፡ ምጡቅ፨
- ራጉኤል፡ አንተ፡ ሕብረ፡ መደንግጽ፡ መብረቅ፨
- ዘትስማዕ፡ ወትረ፡ ቃለ፡ ሰማያዊ፡ ማዕነቅ፨
- መላእክትኒ፡ ይብሉከ፡ ሠያሚሆሙ፡ ለደቅ፨
- ወታጸንዕ፡ ድንጋጋ፡ ለዕምቅት፡ ሐይቅ፨
-
- ሰላም፡ ለመልክእከ፡ መልክአ፡ እሳት፡ ሥዑል፨
- ዘበሰማያት፡ ጌልጌል፨
- ንኅበ፡ አርያም፡ ራጉኤል፡ ቀሳሜ፡ ጽጌሁ፡ ለቃል፨
- እሰግድ፡ ለሥዕልከ፡ ወለግርማከ፡ ኀያል፨
- ከመ፡ ይረድ፡ በልብየ፡ ዘጥበብ፡ ጠል፨
-
- ሰላም፡ ለተፈጥሮትከ፡ ኧምነፋስ፡ ወነድ፡ ዘተሥዕለ፨
- ወዘኢለብሰ፡ አካለ፨
- ራጉኤል፡ ዘለበስከ፡ ደመና፡ ሰማይ፡ ቀሊለ፨
- መኑ፡ ከማከ፡ እምኵሉ፡ ዘያሥዒል፡ ብዕለ፨
- ገብረ፡ መንፈስ፡ ቅዱስ፡ ጻድቅ፡ ኪያከ፡ ሰአለ፨
-
- ሰላም፡ ለከ፡ ራጉኤል፡ መልአክ፨
- ለግፉዓነ፡ ምድር፡ ምስማክ፨
- መላእክትኒ፡ ይተልዉከ፡ ለለ፡ ጊዜ፡ ጽባሕ፡ ወሰርክ፨
- አይኑ፡ መልአክ፡ ዘይብሎ፡ ለሰማያዊ፡ አምላክ፨
- ታጠፍዖኑ፡ ለዘምድር፡ ሦክ፨