Subjects
Angelic
ራጉኤል፡
Rāguʾel
Raguel
Raguel
Malkəʾ
-
- በስመ፡ እግዚአብሔር፡ ሥሉስ፡ ዘበኀበ፡ ኵሉ፡ ውዱስ፨
- ናሁ፡ ወጠንኩ፡ ድራስነ፡ ራጉኤል፡ ርኡስ፨
- ተወከፍ፡ ወትረ፡ ጸሎትየ፡ ከመ፡ ኬና፡ ዕጣን፡ ቅዱስ፨
- ዘተወከፍኮ፡ ለዳዊት፡ ንጉሥ፨
-
- ነዓ፡ ኀቤየ፡ ራጉኤል፡ መልአክ፨
- ጸሎትየ፡ ትስማዕ፡ ጊዜ፡ ነግህ፡ ወሰርክ፨
- መገሥጸ፡ ፀር፡ አንተ፡ ወለመልአከ፡ ሞት፡ ምዑክ፨
- ገሥጾሙ፡ ለአፅራርየ፡ በመዐትከ፡ ድሩክ፨
- ወደምስሶሙ፡ በኀዘን፡ ወሀውክ፨
-
- ሰላም፡ ለተፈጥሮትከ፡ ግብረ፡ መንፈስ፡ ቅዱስ፡ ምንክር፨
- እምነፋስ፡ ወነድ፡ ራጉኤል፡ ግቡር፨
- ካህነ፡ ሥላሴ፡ መዐርዒረ፡ ዜማ፡ መዝሙር፨
- ለአፅራርየ፡ በመዐትከ፡ መሪር፨
- ወፍሬሆሙኒ፡ ሠዓር፡ እምድር፨
-
- ሰላም፡ ለሢመትከ፡ ኀይለ፡ ግርማ፡ ሞገስ፡ ዘለብሰ፨
- በከመ፡ ኃዊት፡ ኀታል፡ ላዕለ፡ ጎልያድ፡ ዘነግሠ፨
- ዘውገ፡ ሱራፊ፡ ራጉኤል፡ ዘተሞጣሕከ፡ ሞገሰ፨
- ተሀበኒ፡ ኀይለ፡ ግርማከ፡ ወስብሐቲከ፡ ሐዲሰ፨
- አስተብቍዐከ፡ ገብርከ፡ አንሰ፨
-
- ሰላም፡ ለአክሊለ፡ ርእስከ፡ ዘያኀቱ፡ በብዙኅ፨
- እምወርኀ፡ ሰማይ፡ ወቤዝ፡ ወእምነ፡ ጸሓይ፡ ብሩህ፨
- ክሉለ፡ ግርማ፡ ራጉኤል፡ አምሳለ፡ መብረቅ፡ መፍርህ፨
- ክልለኒ፡ ጌራ፡ መዊእ፡ በልብሰ፡ ብርሃን፡ ንጹሕ፨
- ለፀማድከ፡ ጊዜ፡ ሰርክ፡ ወነግህ፨
-
- ሰላም፡ ለፊደለ፡ ስምከ፡ ዘኍላቌ፡ ስሙ፡ ወግብሩ፨
- ከመ፡ ገጸ፡ ኪሩብ፡ አርባዕ፡ ርእሰ፡ እለ፡ ቄጥሩ፨
- ራብዕ፡ እምሊቃናት፡ ወሱባዔ፡ ኀይላት፡ ዝክሩ፨
- ራጉኤል፡ አንተ፡ ለልዑል፡ መልአከ፡ ምክሩ፨
- ምክረ፡ ጸላእት፡ ሠዐር፡ ወፀርየ፡ ዝሩ፨