Subjects
Prophet
ዳዊት፡
Dāwit
David
David
Malkəʾ
-
- ሰላም፡ ለፅንሰትከ፡ ድኅረ፡ ኵሎሙ፡ አኃዊከ፨
- ወለልደትከ፡ ትለድ፡ ወላዲ፡ አማልክት፡ አምላክ፨
- መሠረተ፡ መንግሥት፡ ዳዊት፡ ወልበ፡ ፈጣሪ፡ ልብከ፨
- ባርከኒ፡ ባርከኒ፡ ከመ፡ እግርከ፡ ስመከ፨
- እስመ፡ መርገም፡ ይትረገም፡ በቡሩክ፡ ቃልከ፨
-
- ሰላም፡ ለዝክረ፡ ስምከ፡ ወለሥዕርተ፡ ርእስከ፡ ሠርጐ፡ ርእስ፨
- ምስለ፡ ገጽከ፡ ቅዱስ፨
- ትሑተ፡ ልቡና፡ ዳዊት፡ እንዘ፡ ላዕለ፡ ነገሥት፡ ንጉሥ፨
- ተወልደት፡ እምከርሥከ፡ ዳዊት፡ ከርሥ፨
- ብሉየ፡ ልደት፡ ትለድ፡ በልደት፡ ሐዲስ፨
-
- ሰላም፡ ለመቃብሪከ፡ ውስተ፡ ኬብሮን፡ ርስቱ፨
- ለአበ፡ አቡከ፡ ካሌብ፡ እንተ፡ አጥረያ፡ በቀስቱ፨
- እግዚአብሔር፡ ይትባረክ፡ ዘመንግሥትከ፡ መንግሥቱ፨
- ዳዊት፡ ድኅረ፡ ተነሥተ፡ ሕንጻ፡ ቤተ፡ ሥጋከ፡ ዝንቱ፨
- እስመ፡ ለክርስቶስ፡ ለቤትከ፡ ቤቱ፨
-
- ኦእግዚአብሔር፡ ሉአ፡ ምሕረት፡ ወአስተርእዮ፨
- ለዳዊት፡ ልብከ፡ እንተ፡ ሰረይከ፡ ጌጋዮ፨
- እንዘ፡ ይብል፡ አበስኩ፡ ለቀቲለ፡ ሥርዓት፡ ኦርዮ፨
- መሐረኒ፡ እምሕር፡ ከማሁ፡ ለምሕረትከ፡ ዕበዮ፨
- ለእለ፡ በተስፋ፡ ሀለዉ፡ ወብዙኅ፡ ጸልዮ፨