መልክአ፡ ውዕየተ፡ ዐፅሙ፡ ለጊዮርጊስ፡
Malkəʾa Wəʿyata ʿAḍmu la-Giyorgis

Image of the Burning of the Bones of George

    • ሰላም፡ ለውዕየተ፡ ዐፅምከ፡ በትግርምተ፡ እሳት፡ ውዑይ፨
    • ኀበ፡ ተጋብዑ፡ ደርገ፡ ሠራዊተ፡ ንጉሥ፡ ጊጉይ፨
    • ጊዮርጊስ፡ ጳዝዮን፡ ዘአርአያከ፡ ልሑይ፨
    • ይትሜነዮ፡ አጥርዮተከ፡ እምኵሉ፡ ንዋይ፨
    • በሰፍሐ፡ ምድር፡ እለ፡ ሀለዉ፡ ወልዑል፡ ሰማይ፨
    • ሰላም፡ ለውዕየተ፡ ዐፅምከ፡ ዋዕየ፡ መከራ፡ ዘረከቦ፨
    • ወለበድነ፡ ሥጋከ፡ ንጹሕ፡ አመ፡ ኀይለ፡ እሳት፡ አጽሐቦ፨
    • ንጉሠ፡ አምልኮ፡ ጊዮርጊስ፡ አክሊለ፡ በረከት፡ ዘቦ፨
    • መፍትው፡ ለከ፡ በይነዝ፡ ለቅኑይከ፡ ተተሀቦ፨
    • ዘመነ፡ ፍሥሐ፡ ሕጡአ፡ ፍቅድ፡ ዘኃዘን፡ አልቦ፨
    • ሰላም፡ ለውዕየተ፡ ዐፅምከ፡ ሥርግወ፡ ነበልባል፡ ቅዳሴ፨
    • ለፍልሰተ፡ ሥጋከኒ፡ በዓለ፡ ብዙኅ፡ ውዳሴ፨
    • እስመ፡ ጊዮርጊስ፡ በጸጋ፡ አምላከ፡ ዓለም፡ ረምሴ፨
    • አንተ፡ ውእቱ፡ ዳግማይ፡ ሙሴ፨
    • አንተ፡ ለእስራኤል፡ መስፍኖሙ፡ አውሴ፨
    • በኀይልከ፡ ጊዮርጊስ፡ እምስካቦሙ፡ ተንሥኡ፨
    • ሙታነ፡ ፸አሱሩ፡ ወሰብኡ፨
    • አመ፡ መግነንጥዮን፡ ይቤ፡ ወዱድያኖስ፡ ካልኡ፨
    • አአምን፡ በአምላክከ፡ በኀይሉ፡ ወበጽንዑ፨
    • ሶበ፡ ምዉታን፡ ሕይወተ፡ አድምዑ፨