Subjects
Apostle
ጳውሎስ፡
Ṗāwlos
Paul
Paul
Malkəʾ
-
- ናሁ፡ ወጠንኩ፡ ለመልክእከ፡ ሰላሞ፨
- በብዙኅ፡ አስተሐምሞ፨
- ጳውሎስ፡ አዕቢ፡ ለኅሊና፡ ልብየ፡ ዐቅሞ፨
- ከመ፡ ኢይበሉኒ፡ ሶበ፡ ስእንኩ፡ ነገረ፡ ዜናሁ፡ ተርጒሞ፨
- አኀዘ፡ ይጽሐፍ፡ ወስእነ፡ ፈጽሞ፨
-
- ሰላም፡ ለዝክረ፡ ስምከ፡ ዝክረ፡ ውዳሴ፡ ሥሉጥ፨
- አምሳለ፡ ዕፍረት፡ ምዑዝ፡ ወአፈወ፡ ክህነት፡ ጽዑጥ፨
- ከመ፡ ታጥብበኒ፡ ሊተ፡ እምዕበደ፡ አፍአ፡ ወውስጥ፨
- መሀረኒ፡ ሕገ፡ አፉከ፡ ዘኢይትረከብ፡ በሤጥ፨
- መምህረ፡ አሕዛብ፡ ኵሉ፡ ጳውሎስ፡ አስቄጥ፨
-
- ሰላም፡ ለብርሃነ፡ ገጽከ፡ ዘያስተንእስ፡ ፀሓየ፨
- ወጸዳለ፡ ወርኅ፡ ዓዲ፡ እንተ፡ ይኴንን፡ ለያልየ፨
- ጳውሎስ፡ በለኒ፡ እሬስየከ፡ ረድእየ፨
- ከመ፡ እትሉከ፡ ጸዊርየ፡ መጽሐፈ፡ መልእክት፡ ሠናየ፨
- ለእመ፡ ቲቶ፡ ተድኅረ፡ ወዴማስ፡ ጐንደየ፨
-
- አኮ፡ መፍትው፡ ድልው፡ ሊተ፨
- ውዳሴ፡ መልክእከ፡ እንብብ፡ እንዘ፡ ኢየአምር፡ ምንተ፨
- እመኒ፡ ጳውሎስ፡ ተወከፍ፡ ሊተ፨
- ለብዙኅሰ፡ ኢይስእል፡ እንሣእ፡ ዕሤተ፨
- ዳእሙ፡ ንስቲተ፡ ሀበኒ፡ ምጽዋተ፨