Subject
Righteous
ኢያሱ፡
ʾIyyāsu
ʾIyyāsu II
ʾIyyāsu II
Malkəʾ
-
- ሰላም፡ ለፅንሰትከ፡ በፈቃደ፡ ንጉሥ፡ ወንግሥት፨
- ወለልደትከ፡ ሰላም፡ ዘይተልዎ፡ ጥምቀት፨
- በትረ፡ ጊዮርጊስ፡ ኢያሱ፡ ሰማዕተ፡ ሥላሴ፡ ቅድስት፨
- ጊዜ፡ ሐወጹከ፡ ኢሐወጸከ፡ ፍርሀት፨
- ነበልባለ፡ እሳት፡ መፍርህ፡ ወበሊኅ፡ ኲናት፨
-
- ሰላም፡ ለዝክረ፡ ስምከ፡ ክብረ፡ ነዳያን፡ ውሉድ፨
- ወለሥዕርትከ፡ ሰላም፡ ዘግልባቤሆን፡ ሞገድ፨
- ባሕታዌ፡ ደሴት፡ ኢያሱ፡ ገብረ፡ መንገስ፡ ቅዱስ፡ ዋሕድ፨
- ዕቀቦ፡ ለወልድከ፡ ኀበ፡ ኢሀሎ፡ ዘመድ፨
- ደብረ፡ ሊባኖስ፡ ቤትከ፡ ኢትኩን፡ ለባዕድ፨
-
- ሰላም፡ ለአፉከ፡ ወለአስናኒከ፡ ጽዕድዋት፨
- እምሐሊበ፡ ዕጐልት፡ ዘባሳን፡ ምርአየ፡ ዕጐልት፨
- ፋሲለደስ፡ ኢያሱ፡ መናኔ፡ ተድላ፡ ምድር፡ መንግሥት፨
- አርፈቀከ፡ ጴጥሮስ፡ ኀበ፡ ሀሎ፡ ውስተ፡ ሕፅነ፡ አብርሃም፡ ዘይት፨
- ወጳውሎስ፡ መዐዛሁ፡ ለክርስቶስ፡ ዕፍረት፨
-
- ሰላም፡ ለልሳንከ፡ መፈክረ፡ ሐዲስ፡ ቀኖና፨
- ወለኀይለ፡ ቃልከ፡ ሰላም፡ ዘይከብድ፡ በደብረ፡ ሲና፨
- ኢያሱ፡ ወጣኒ፡ ወፈጻሜ፡ ሕግ፡ ምንኵስና፨
- አሰሰሉ፡ ለከ፡ ዝንጋዔ፡ ወወሀቡከ፡ ልቡና፨
- ዘደሴተ፡ ዳጋ፡ እስጢፋኖስ፡ ወቂርቆስ፡ ዘጻና፨
-
- ዘአቅረብኩ፡ አነ፡ ውዳሴ፡ መልክእከ፡ በበ፡ መንታ፨
- በኀይለ፡ ቀዳሚ፡ ክርስቶስ፡ በፍኖተ፡ መስቀል፡ ዘጎልጎታ፨
- ንጉሠ፡ ይሁዳ፡ ኢያሱ፡ ሥነ፡ ቤተ፡ ዳዊት፡ ዘኤፍራታ፨
- ደብረ፡ ኢየሩሳሌም፡ ካልእታ፨
- እስመ፡ ለባሕቲታ፡ ወለደት፡ ኪያከ፡ ባሕቲታ፨