መልክአ፡ ገብረ፡ ክርስቶስ፡ Malkəʾa Gabra Krəstos

Image of Alexius

Malkəʾ

    • ሰላም፡ ለዝክረ፡ ስምከ፡ ወለሥዕርተ፡ ርእስከ፡ ድሉል፨
    • ለርእስከኒ፡ ወለገጽከ፡ ጽዱል፨
    • ገብረ፡ ክርስቶስ፡ አጽቀ፡ ንጉሠ፡ ሮም፡ ኮል፨
    • ኣእምር፡ ስእለተከ፡ ቅድመ፡ ወልደ፡ አምላክ፡ ልዑል፨
    • ከመ፡ ገራህተ፡ ሰብእ፡ ይሠምር፡ ወይሠርጽ፡ ሐምል፨
    • ሰላም፡ ለቀራንብቲከ፡ ወለአዕይንቲከ፡ ምስለ፡ አእዛን፨
    • ኅሩማተ፡ ነገር፡ ምኑን፨
    • ገብረ፡ ኢየሱስ፡ ወርቅ፡ በነደ፡ መከራ፡ ፍቱን፨
    • ምርሐኒ፡ እግዚኦ፡ ፍኖተ፡ ምናኒ፡ ብርሃን፨
    • ዘያበርህ፡ ወትረ፡ ልበ፡ ሰብእ፡ ጻድቃን፨
    • ሰላም፡ ለበድነ፡ ሥጋከ፡ ወለግንዘተ፡ ሥጋከ፡ በልብሰ፡ ከርቤ፨
    • ወለመቃብሪከ፡ ቍድስ፡ ምልዕተ፡ ዕጣን፡ ይባቤ፨
    • ገብረ፡ ኢየሱስ፡ ክርስቶስ፡ ዘተወከፍከ፡ ምንዳቤ፨
    • አርሕቅ፡ ሊተ፡ ምንዳቤየ፡ እንዘ፡ ትከውን፡ ዐቃቤ፨
    • ወትከውነኒ፡ ለሊከ፡ መጋቤ፨
    • ሰላም፡ ለፍልሰተ፡ ሥጋከ፡ ኀበ፡ ወልደ፡ አምላክ፡ ዘበጽሐ፨
    • እንበለ፡ ምሕረትከሰ፡ ገብረ፡ ኢየሱስ፡ አቡሃ፨
    • ዘይደልወከ፡ ክብር፡ እስመ፡ ኢያቅረበት፡ ግብረ፡ አፉሃ፨
    • ለነፍስየ፡ ኢመዋቲት፡ እስከ፡ ታፈደፍድ፡ ላሐ፨
    • እምደለወ፡ ላቲ፡ ፍትሐ፡ ሞት፡ ዕፃሃ፨

Tarafa Malkəʾ

    • ሰላም፡ ለከ፡ ገብረ፡ ኢየሱስ፡ አስተምሕር፡ ኀበ፡ ዘኵሎ፡ ፈጠረ፨
    • ምስሌከ፡ እኩን፡ ዘአምላክ፡ ገብረ፨
    • ዘቀርበ፡ ወዘተፈቅረ፨
    • ሰላም፡ ለከ፡ ገብረ፡ ኢየሱስ፡ ይቤሎ፡ ለፈጣሪሁ፡ ክርስቶስ፨
    • እምይእዜሰ፡ እንከ፡ ኣኀሥሥ፨
    • በግዐ፡ መዊት፡ ምዕረ፡ ዘያስተናፍስ፨
    • እምሥቃዩ፡ ለዘቦ፡ ተጽናስ፨