Subjects
Martyr
እስጢፋኖስ፡
ʾƎsṭifānos
Stephen
Stephen
Malkəʾ
-
- ሰላም፡ ለፅንሰትከ፡ ወለወላዲ፡ ልደትከ፨
- እለ፡ ተወልዱ፡ ዳግመ፡ እምከርሠ፡ ዳግሚት፡ እምከ፨
- እስጢፋኖስ፡ ዘዐበው፡ እስመ፡ በረከት፡ ኀቤከ፨
- መስቀለ፡ ግበር፡ አእዳወ፡ ለባርከ፨
- ንኡስ፡ ወልድከ፡ ከመ፡ ባረኮ፡ ለኤፍሬም፡ ያዕቆብ፡ አቡከ፨
-
- ሰላም፡ ለዝክረ፡ ስምከ፡ ቅዱሰ፡ ዝክር፡ ወስም፨
- ወለሥዕርትከ፡ ጸሊም፨
- እስጢፋኖስ፡ ሰማዕት፡ መጽሐፈ፡ ሃይማኖት፡ ሕቱም፨
- ካህናት፡ ኪያከ፡ እምያንብቡ፡ ሐጸቡከ፡ በደም፨
- እንዘ፡ ላዕሌከ፡ ፍካሬ፡ ሰላም፨
-
- ሰላም፡ ለዕለተ፡ ሞትከ፡ ዘዐባይ፡ ዕለታ፨
- ወለመቃብሪከ፡ ጻድቅን፡ ዘወደዩከ፡ ውስቴታ፨
- እስጢፋኖስ፡ ነፍስየ፡ እንዘ፡ ረኪበ፡ ፈውስ፡ ተምኔታ፨
- ብዙኃነ፡ ድኅረ፡ ፈውስከ፡ እስመ፡ ተሐምም፡ ባሕቲታ፨
- ከመ፡ ብእሲት፡ ቀናዕኩ፡ ትቀንዕ፡ በምታ፨
-
- ዕሤተ፡ ከናፍር፡ ኀቤከ፡ እንዘ፡ ይሴፎ፡ ልብየ፨
- ቃለ፡ ስብሐቲከ፡ ኵሎ፡ ማእከለ፡ ክቡድ፡ ሕዝብየ፨
- ዘነገርኩከ፡ ወልድከ፡ እስጢፋኖስ፡ አቡየ፨
- ንግረኒ፡ ቃለ፡ ዘይቤ፡ ደዌከ፡ ደዌየ፨
- እምደዌከኒ፡ ጥዒናከ፡ አቡየ፨