Subjects
Righteous
ኤዎስጣቴዎስ፡
ʾEwosṭātewos
ʾEwosṭātewos
ʾEwosṭātewos
ʾEwosṭātewos
Malkəʾ
-
- በስመ፡ እግዚአብሔር፡ ዘገብረ፡ ተዋሕዶተ፡ ነፍስ፡ በሥጋ፨
- ውዳሴ፡ መልክእከ፡ እንብብ፡ ወእዘምር፡ ቅድመ፡ እንግልጋ፨
- ለቤተ፡ ክርስቲያን፡ ቅድስት፡ ኤዎስጣቴዎስ፡ መጋቤ፡ ሕጋ፨
- ምላእ፡ አፉየ፡ ስብሐቲከ፡ እንበለ፡ ሕፀፅ፡ ወንትጋ፨
- እስመ፡ ለኵሉ፡ የአክል፡ ዘዚአከ፡ ጸጋ፨
-
- ሰላም፡ ለፅንሰትከ፡ በሥምረተ፡ አምላክ፡ መሐሪ፨
- ከመ፡ ተጠየቀ፡ ቅድመ፡ እምልሳነ፡ መልአክ፡ አብሳሪ፨
- ኤዎስጣቴዎስ፡ ነጊሠ፡ አመ፡ ምስለ፡ ክርስቶስ፡ ትዔሪ፨
- እጸንሐከ፡ እግዚኦ፡ ልደ፡ ቤትከ፡ ነባሪ፨
- ማኅደረ፡ ሕይወትየ፡ ትሥራዕ፡ በዘመን፡ ደኃሪ፨
-
- ሰላም፡ ለልደትከ፡ እመንፈስ፡ ቅዱስ፡ ወማይ፨
- እስመ፡ ተሐደስከ፡ ቦቱ፡ እምልደተ፡ ሥጋ፡ ብሉይ፨
- ቅብአ፡ ቤተ፡ ክህነት፡ ወንግሥ፡ ኤዎስጣቴዎስ፡ ኅሩይ፨
- ለምግባረ፡ ጽድቅከ፡ ዕፍረት፡ ዘመዐዛሁ፡ ሠናይ፨
- ኢይትዔረዮ፡ ናርዶስ፡ ወኵሉ፡ መጽርይ፨
-
- ሰላም፡ ለዝክረ፡ ስምከ፡ እንተ፡ ተበፅዐ፡ በሕቁ፨
- አምሳለ፡ መልከ፡ ጼዴቅ፡ ካህን፡ ዘተአምረ፡ ሞገሰ፡ ጽድቁ፨
- ኤዎስጣቴዎስ፡ ኤፌሶን፡ ለባሕረ፡ ውቅያኖስ፡ ልጹቁ፨
- ቀላየ፡ ፍቅርከ፡ ዘኢይሰፈር፡ ዕመቁ፨
- አካለ፡ ኅሊናየ፡ ያሥጥም፡ በዘይፌጽም፡ ጻህቁ፨
-
- እንበይነ፡ ዝንቱ፡ ማሕሌት፡ በዘትትፌሣሕ፡ ነፍስየ፨
- እንዘ፡ ከመ፡ ዕጣን፡ ትትዌከፍ፡ ስእለተ፡ ልብየ፨
- ኦመዝገበ፡ ለፅኑሰ፡ ምግባር፡ ብዕልየ፨
- ኢትመንነኒ፡ ለወልድከ፡ ኤዎስጣቴዎስ፡ አቡየ፨
- እስመ፡ ሰብአ፡ ዓለም፡ መነኑ፡ ወጸልኡ፡ ነዳየ፨