Details
-
- ሰላም፡ ለዝክረ፡ ስምክሙ፡ በሰሌዳ፡ አምላክ፡ ዘተጽሐፈ፨
- እንበለ፡ ተጠስዮ፡ የሀሉ፡ ዘልፈ፨
- አርባዕቱ፡ እንስሳ፡ ዘትመልኡ፡ አጽናፈ፨
- ክፍሉኒ፡ ምቅዋመ፡ ጽድቅ፡ መጠነ፡ አሐቲ፡ ምዕራፈ፨
- እምዓለመ፡ ወይሌ፡ እምእንበር፡ ዓመታተ፡ እልፈ፨
-
- ሰላም፡ ለከተማ፡ ርእስክሙ፡ ዘነደ፡ እሳት፡ አርአያሁ፨
- አዳም፡ ድላሌሁ፨
- አርባዕቱ፡ እንስሳ፡ ሐውጹኒ፡ ለለ፡ ጽባሑ፨
- በእሲ፡ ድሩክ፡ ዘይጸንሐኒ፡ ናሁ፨
- በአብትረ፡ እሳት፡ መፍርህ፡ ቀጥቀጠ፡ ድማሑ፨
-
- ሰላም፡ ሰላም፡ ለኵሎን፡ መልክእክሙ፨
- እምርእስክሙ፡ እስከ፡ አእጋሪክሙ፨
- አርባዕቱ፡ እንስኣ፡ ሐውጹኒ፡ ለለ፡ ጌሠሙ፨
- ከመ፡ ይትኀፈሩ፡ እለ፡ ይብሉ፡ ኵሎሙ፨
- ማዕዜ፡ ይመውት፡ ወይሠዐር፡ ስሙ፨
- ተረፈ፡ መልክእ፡
-
- ካህናታውያን፡ እንስሳ፡ እለ፡ ትጸውሩ፡ መንበረ፨
- ወትሴብሕዎ፡ ክሉ፡ አሚረ፨
- ኪያክሙ፡ ለዘፈጠረ፨
-
- ሰላም፡ ለክሙ፡ ኪሩባውያን፡ እንስሳ፡ በከመ፡ ነቢያት፡ ነገሩ፨
- ለእግዚአብሔር፡ ዐቢይ፡ ወግሩም፡ ግብሩ፨
- ዘትጸውርዎ፡ ለመቃብሩ፨
-
- ሰላም፡ ለክሙ፡ ኪሩባውያን፡ እንስሳ፡ ወመንፈሳውያን፡ ማኅበር፨
- እለ፡ ይሴብሑ፡ በሐዋዝ፡ መዝሙር፨
- ላዕሌክሙ፡ ዘየኀድር፨
-
- ሰላም፡ ለክሙ፡ ለክብርክሙ፡ ስቡሕ፡ ሶበ፡ ኣቄርብ፡ ዘምሮ፨
- ለመላእክተ፡ ውሂብ፡ ወምሕሮ፨
- በሉኒ፡ ንሣእ፡ ለክብርነ፡ ክብሮ፨
- ዘኢቦአ፡ ውስቴቱ፡ አእምሮ፨