Subjects
Righteous
ገብረ፡ መስቀል፡
Gabra Masqal
Gabra Masqal
Gabra Masqal
Gabra Masqal
Malkəʾ
-
- ኣዐትብ፡ ገጽየ፡ በስመ፡ ሥሉሳን፡ አጋእዝትየ፨
- ወበስመ፡ ማርያም፡ ድንግል፡ ዘተመሰለት፡ ሰማየ፨
- ስብሐተ፡ መልክእከ፡ እንብብ፡ እንዘ፡ እከሥት፡ አፉየ፨
- ገብረ፡ መስቀል፡ ቅላዕ፡ ባሕቱ፡ መንጦላዕተ፡ ግዙፍ፡ ልብየ፨
- ወተናበበኒ፡ ቀዊመከ፡ ዝየ፨
-
- ሰላም፡ ለዝክረ፡ ስምከ፡ መአድመ፡ ዜና፡ እምወይን፨
- ዓዲ፡ እምናብሊስ፡ እንተ፡ ይሔውዞ፡ ለእዝን፨
- ገብረ፡ መስቀል፡ ላዕሌከ፡ አመ፡ ተዐውቀ፡ ብርሃን፨
- ተበሀሉ፡ መምህራኒከ፡ እለ፡ ነጸሩ፡ በዐይን፨
- ዕበያተ፡ አምላክ፡ ንዋ፡ ላዕለዝ፡ ሕፃን፨
-
- ሰላም፡ ለሕፅንከ፡ ወለአእዳዊከ፡ እለ፡ ይረብባ፨
- ምስለ፡ መዛርዕ፡ ለጸሎት፡ እለ፡ ያስተርክባ፨
- ገብረ፡ መስቀል፡ አቡነ፡ ለገዳመ፡ ዋሊ፡ ኮከባ፨
- እፎኑመ፡ እንዘ፡ ሕፃን፡ ዘኢያፍቀርከ፡ ሐሊባ፨
- ለመንፈሳዊት፡ እምከ፡ ዘርኅሩኅ፡ ልባ፨
-
- አምኃ፡ ሰላም፡ አቅረብኩ፡ ለአቡክሙ፡ በአስተሐምሞ፡ ወጻህቅ፨
- ከመ፡ ንጉሠ፡ ምድር፡ አኮ፡ አምኃ፡ ብሩር፡ ወወርቅ፨
- ጻድቃነ፡ ለጋሶ፡ ወጕትማን፡ ወንጌላውያን፡ አዕጹቅ፨
- አመ፡ ይረፍቁ፡ በቤተ፡ መርዓ፡ ምስለ፡ ኢየሱስ፡ ሊቅ፨
- አርፍቁኒ፡ ምስሌክሙ፡ በሐዳስ፡ ምርፋቅ፨