Details
Other Titles
-
መልክአ፡ መላእክት፡
Malkəʾa Malāʾəkt
Image of the Angels
Subject
Angelic
መላእክት፡
Malāʾəkt
The Angels
Malāʾəkt
The Angels
-
- ለእግዚእነ፡ ኢየሱስ፡ ክርስቶስ፡ ዘስብሐት፡ ሎቱ፨
- እዌጥን፡ በረድኤቱ፨
- ውዳሴ፡ ስምክሙ፡ እጽሕፍ፡ ወመልክእክሙ፡ ዝንቱ፨
- አከም፡ ለፍጻሜ፡ ተራድኡኒ፡ ባሕቱ፨
- መላእክት፡ አእላፍ፡ ወነገድ፡ ተስዓቱ፨
-
- ሰላም፡ ለዝክረ፡ ስምክሙ፡ ዘተዐውቀ፡ በእሑድ፨
- ቅድመ፡ ይኩን፡ ጠፈር፡ ማእከለ፡ ማያት፡ ዘሞገድ፨
- መላእክት፡ ጽዱላን፡ ዘሕብርክሙ፡ መረግድ፨
- ለገጸ፡ ሥንክሙ፡ ብዙኅ፡ ዘኢይትፌጸም፡ በፍቅድ፨
- ኮከብ፡ ሕፁፅ፡ ወኆፃ፡ ውሑድ፨
-
- ነገረ፡ ዝንቱ፡ ስብሐትክሙ፡ ዘዘፍሉጥ፡ መልክኡ፨
- ውስተ፡ ሰሌዳክሙ፡ መብረቅ፡ መላእክተ፡ ብርሃን፡ ልክኡ፨
- በዝየኒ፡ ለለ፡ ዕለቱ፡ ወለለ፡ ሳዑ፨
- ይትበፅዑ፡ ዘአእመርዎ፡ ወቃላቲሁ፡ ዘሰምዑ፨
- ከመ፡ ቃለ፡ መምህር፡ ዮሐንስ፡ ዘአህጉር፡ ሰብኡ፨
-
- ሰላም፡ ለክሙ፡ በኍልቈ፡ እስትንፋስ፡ ዘአእናፍ፨
- ወበኍልቈ፡ ቃል፡ ዘይወፅእ፡ እምነ፡ ከናፍር፡ ወአፍ፨
- እንዘ፡ ትረውጹ፡ ፍጡነ፡ ከመ፡ እብነ፡ ዐቢይ፡ ሞጸፍ፨
- መንፈቅክሙ፡ ምስለ፡ ኲናት፡ ወመንፈክመ፡ ምስለ፡ ሰይፍ፨
- ለጸቢአ፡ ፀርየ፡ ነዑ፡ መላእክት፡ አእላፍ፨