Subject
Malkəʾ
-
- በስመ፡ ጰራቅሊጦስ፡ ኣቀድም፡ ዑታቤ፨
- ተሀበኒ፡ ቃለ፡ ወአእምሮተ፡ ዘእቤ፨
- ላዕለ፡ ሐዋርያት፡ ዘኮነ፡ መለኮትከ፡ ነባቤ፨
- ይትወለድ፡ ውስተ፡ አፉየ፡ ወይሰገው፡ ሶቤ፨
- መልክአ፡ ነገር፡ ዘአልቦ፡ ሩካቤ፨
-
- ሰላም፡ ለኍላቌክሙ፡ እግዚአብሔር፡ ቦቱ፡ አቅደመ፨
- ጊዜ፡ ከፈለ፡ ሰዓታተ፡ ወለዕለት፡ አቅመ፨
- ሐዋርያተ፡ ክርስቶስ፡ ኄራን፡ ዘጸባእክሙ፡ ዓለመ፨
- ተበአሱ፡ በእንቲአየ፡ ወተቀሐው፡ ዳግሙ፨
- ጊዜ፡ ቈስለ፡ ሞቱ፡ ሐይወ፡ ወአሥረጸ፡ አድመ፨
-
- ሰላም፡ ለሞገሰ፡ ስምክሙ፡ እንተ፡ ቀደመ፡ በዝክር፨
- ቅድመ፡ ይርግዑ፡ ወይጽንዑ፡ ድዳተ፡ ኵሉ፡ አናስር፨
- ሐዋርያተ፡ ክርስቶስ፡ ዜራን፡ መኳንንተ፡ ቅድስት፡ ሀገር፨
- ይትመላእ፡ ውስተ፡ አፉየ፡ ዘሕገ፡ ዜናክሙ፡ ፍቅር፨
- ውስተ፡ እደ፡ ጠቢብ፡ ወኬንያ፡ ከመ፡ ይትመላእ፡ ግብር፨
-
- ሰላም፡ ለመዐዛክሙ፡ መዐዛ፡ መልክኡ፡ ለክርስቶስ፨
- ዘቦቱ፡ ተሠውጠ፡ አምሳለ፡ መዐዛ፡ ዘልብስ፨
- ሀዋርያተ፡ ክርስቶስ፡ ኄራን፡ ለከሥዒተ፡ ነገር፡ ሐዲስ፨
- ይትረዐይ፡ በላዕሌየ፡ ዘላዕሌክሙ፡ መንፈስ፨
- ከመ፡ በመንበሩ፡ ይትረአይ፡ ንጉሥ፨