Details
-
- ሰላም፡ ሰላም፡ ለዝክረ፡ ስምከ፡ አዳም፨
- ሥነ፡ ገድልከ፡ መድምም፨
- ሊባኖስ፡ ብፁዕ፡ ብርሃነ፡ ዓለም፨
- ይስቅየኒ፡ ለለ፡ ጽባሑ፡ ወይነ፡ ፍቅርከ፡ ጥዑም፨
- ከመ፡ ይስቅዮ፡ ማይ፡ ለሠናይ፡ ኦም፨
-
- ሰላም፡ ለሥዕርተ፡ ርእስከ፡ ማየ፡ ቅዳሴ፡ ዘአብቈሎ፨
- ወቅብአ፡ መለኮት፡ እንተ፡ አጥለሎ፨
- ሊባኖስ፡ ፍቁሩ፡ ለእግዚአብሔር፡ ዘሀሎ፨
- ሀሉ፡ ወትረ፡ ምስሌየ፡ እንተ፡ አልብከ፡ ሰስሎ፨
- አምላከ፡ ምሕረት፡ በእንቲአከ፡ ይክፍለኒ፡ ሣህሎ፨
-
- ሰላም፡ ለበድነ፡ ሥጋከ፡ በልብሰ፡ ቅድስና፡ ዘተገንዘ፨
- ወኢፈቀደ፡ ምንተኒ፡ ዘብዕለ፡ ዓለም፡ አራዘ፨
- ሊባኖስ፡ ብፁዕ፡ ዘደወለ፡ ጽባሕ፡ ቤዘ፨
- ኢይቅረበኒ፡ ጸላኢ፡ እንተ፡ ዘይፈጥር፡ ጋዕዘ፨
- በቃለ፡ አፉከ፡ ለይኩን፡ ውጉዘ፨
-
- ሞገሰ፡ ሰማይ፡ ወምድር፡ ለስምከ፡ ዘተውህቦ፨
- ብፁዕ፡ ሕዝብ፡ ዘየአምር፡ የብቦ፨
- ግበር፡ ላዕሌነ፡ ትእምርተ፡ መድኃኒት፡ በአማዕትቦ፨
- ኖላዊ፡ ወመርዒቶ፡ ንጉሠ፡ ወሕዝቦ፨
- ባርክ፡ ሊባኖስ፡ እኂዘከ፡ ጸልቦ፨
-
- ጥቀ፡ ሠናይ፡ ወጥቀ፡ አዳም፨
- ዜና፡ ዝክርከ፡ ጥዑም፡ በርኅበ፡ ኵሉ፡ ዓለም፨
- ሊባኖስ፡ ብፁዕ፡ መንክራቲከ፡ መድምም፨
- እፎ፡ እፎ፡ አፍቀረተከ፡ ገዳም፨
- ወእፎ፡ መነነተከ፡ ኀላፊት፡ ዓለም፨
- ተረፈ፡ መልክእ፡
-
- ሰላም፡ ለከ፡ ዘብሔረ፡ አግዓዚ፡ ኮከብ፨
- በመንፈሰ፡ ጸጋ፡ ዕቱብ፨
- ይቡሰኒ፡ ይረሲ፡ ዐይነ፡ ማይ፡ ርጡብ፨
-
- ሰላም፡ ለከ፡ ዘአቅረብኩ፡ ለከ፡ ወርቀ፡ ማሕሌት፡ ጽሩየ፨
- ሊባኖስ፡ ተወከፍ፡ ቃለ፡ ጽራኅየ፨
- ኢይባእ፡ ተኀፈርየ፨
-
- ሰላም፡ ለከ፡ ሊባኖስ፡ ተወከፍ፡ በረድ፡ ኢትከ፡ ፈጣን፨
- ለለ፡ ጊዜ፡ ጸሎት፡ ወዕጣን፨
- ዘአቅረብኩ፡ ለከ፡ መሥዋዕተ፡ ቍርባን፨
- ዘተሠርዐ፡ በዛቲ፡ መካን፨