Details
-
- አንቅሀኒ፡ እምሐኬትየ፡ ወጸግወኒ፡ ልቡና፨
- ከመ፡ እዜኑ፡ ንስቲተ፡ ለስምከ፡ ውዳሴ፡ ዜና፨
- ሥርግወ፡ ሃይማኖት፡ ኪሮስ፡ ወርሱይ፡ በቅድስና፨
- ዘአጥረይከ፡ ንጽሐ፡ ኅሊና፡ እስከ፡ ፈጸምከ፡ ቀኖና፨
- አንተኑ፡ ሐዋርያ፡ ናትናኤል፡ ዘሲና፨
-
- ሰላም፡ ለዝክረ፡ ስምከ፡ እንተ፡ ወበጠ፡ እግዚአብሔር፨
- እምቀዳሚ፡ ስምከ፡ ብሂለ፡ ዲላሶር፡ ኦመ፡ ዘይት፨
- ኪሮስ፡ ውስተ፡ ቤተ፡ አምላክ፡ ሥሙር፨
- ስፍሐ፡ አጽፈ፡ ዜናከ፡ እስከ፡ ከጽናሬሃ፡ ለባሕር፨
- ባሕቱ፡ በጸሎት፡ ክድነኒ፡ እምቍር፨
-
- ሰላም፡ ለክብረ፡ ሞትከ፡ መጽኡ፡ እንዘ፡ የሐልዩ፡ በአርጋኖን፨
- መላእክተ፡ ሰማይ፡ ትጉሃን፨
- ሰብሑከ፡ ኪሮስ፡ እለ፡ ከማከ፡ ጻድቃን፨
- አመ፡ ተጸውዑ፡ ____ ዕረፍትከ፡ ቀርን፨
- አባ፡ ኤላርዮን፡ ወአባ፡ ላትጹን፨
-
- መኑ፡ ከማከ፡ እንተ፡ ለብሰ፡ ትዕግሥተ፨
- የአኵተከ፡ እግዚእ፡ በብሂል፡ ዘንተ፨
- ተወኪፈከ፡ ኪሮስ፡ ለዘአቅረብኩ፡ ማሕሌተ፨
- እምግብረ፡ ጽድቅ፡ እስመ፡ ኢገበርኩ፡ አሐተ፨
- ባሕቱ፡ እምጽድቃቲከ፡ ጸግወኒ፡ ሊተ፨