Subject
Malkəʾ
-
- ንኡስ፡ አነ፡ እምአኃውየ፡ በመሰልጥ፡ መጽሐፍ፨
- ወዘካርያስ፡ ወሬዛ፡ በቤተ፡ አቡየ፡ አፍ፨
- መልክአ፡ ክርስቶስ፡ ፍኖት፡ ዘኢነጸረከ፡ ዖፍ፨
- ባሕቱ፡ ኣየድዕ፡ ለኵሉ፡ ጽርየተ፡ ነገርከ፡ ዳእፍ፨
- ወእነግር፡ መንክረከ፡ አሐዱ፡ እምእልፍ፨
-
- ሰላም፡ ለዝክረ፡ ስምከ፡ ወልደ፡ ያሬድ፡ ዘኢያእመራ፨
- ርኁቀ፡ መዐት፡ መልአክ፡ እመ፡ በእዴሁ፡ አንበራ፨
- መልክአ፡ ክርስቶስ፡ ለጥበብ፡ ዘእምድኅረ፡ እፎ፡ ብሔራ፨
- አባ፡ ኢትሕልፍ፡ በመጥዎ፡ ወበተመጥዎ፡ ምሥጢራ፨
- እምዑቂኤል፡ አንተ፡ ወአነ፡ እምዕዝራ፨
-
- ሰላም፡ ለክሳድከ፡ ወለመትክፍትከ፡ መንታ፨
- ለፈቲለ፡ አርዑት፡ ቀሊል፡ ዘታስተጻንዕ፡ እመታ፨
- መልክአ፡ ክርስቶስ፡ ክርስቶስ፡ መንክረ፡ መዐርግ፡ ወጾታ፨
- አባ፡ ትገብር፡ እምኀቤከ፡ ለማኅበረ፡ ግሸቅ፡ ማርታ፨
- ወለማርያ፡ አርያም፡ እኅታ፨
-
- ሰላም፡ ለፍልሰተ፡ ሥጋከ፡ በሙቀተ፡ አፅሙ፡ ዘሀሎ፨
- ወዘይቤሎ፡ ለሮቤል፡ ሕየወኒ፡ ዘኢይቤሎ፨
- መንክረ፡ ማርያም፡ መልክአ፡ ክርስቶስ፡ ለተስእሎ፨
- ዘደመርከ፡ በዕለተ፡ ሞታ፡ ለፍልሰትከ፡ በዓሎ፨
- ማርያምሰ፡ ሀለወት፡ ትዐቅብ፡ ዘንተ፡ ኵሎ፨