Subjects
Righteous
ስብሐት፡ ለአብ፡
Səbḥat Laʾab
Səbḥat Laʾab
Səbḥat Laʾab
Səbḥat Laʾab
Malkəʾ
-
- ሰላም፡ ለፅንሰትከ፡ ዘበሕገ፡ አብርሃም፡ አብ፨
- ወለልደትከ፡ ኅሩይ፡ እምልደተ፡ አበው፡ ሕዝብ፨
- ስብሐት፡ ለአብ፡ ሰሎሞን፡ መሠረተ፡ ኵሉ፡ ጥበብ፨
- ናሁ፡ ያሰርኀኒ፡ ዜና፡ ግብርከ፡ ዕጹብ፨
- ለሕፃነ፡ ልብየ፡ እስመ፡ አልሐቆ፡ ፍቅርከ፡ ሐሊብ፨
-
- ሰላም፡ ለዝክረ፡ ስምከ፡ ስመ፡ ቃለ፡ ስብሐት፡ ወዝማሬ፨
- ወለሥዕርትከ፡ ሰላም፡ ጥሉለ፡ ቅብአ፡ ዘይት፡ ፍካሬ፨
- ስብሐት፡ ለአብ፡ ዮሴፍ፡ ፍሬ፡ ብርከ፡ ያዕቆብ፡ ኅሬ፨
- አብሐኒ፡ እቅስም፡ ኵለሄ፡ እምጣዕመ፡ ዝማሬከ፡ ፍሬ፨
- ወአሠርግወኒ፡ ካዕበ፡ ኀይለ፡ ቃል፡ ጶዴሬ፨
-
- ሰላም፡ ለግንዘተ፡ ሥጋከ፡ በእደ፡ ካህናት፡ ኄራን፨
- ወለመቃብሪከ፡ ሰላም፡ መቃብረ፡ አበው፡ ጻድቃን፨
- ስብሐት፡ ለአብ፡ ኢያሱ፡ ዘሕዝበ፡ እስራኤል፡ መስፍን፨
- ተአዘዝከ፡ ታቅም፡ እግዚኦ፡ ሰኰና፡ ፀሓይ፡ ኪዳን፨
- እምእግዚአብሔር፡ ስኩር፡ በስብሐት፡ ወይን፨
-
- ተወከፍ፡ ማሕሌትየ፡ ከመ፡ ኢይሑር፡ በበክ፨
- ውስተ፡ ፍና፡ ቤቱ፡ ግሩም፡ ለመልአከ፡ ሞት፡ ድሩክ፨
- እንበለ፡ ኢትበል፡ ሕቀ፡ ስብሐት፡ ለአብ፡ አምላክ፨
- ወአዕርግ፡ ጸሎትየ፡ በሰዓተ፡ ጽባሕ፡ ወሰርክ፨
- ህየንተ፡ ሱራፊ፡ ካህን፡ ወኪሩብ፡ መልአክ፨