Subjects
Righteous
ያሬድ፡
Yāred
Yāred
Yāred
Malkəʾ
-
- ሰላም፡ ለፅንሰትከ፡ መሠረተ፡ ፍሬ፡ ወዘርእ፨
- ዘተናገርከ፡ ምሥጢረ፡ ዜማ፡ በሥምረተ፡ ክርስቶስ፡ እግዚእ፨
- ካህን፡ ያሬድ፡ ነገደ፡ ዕሥራ፡ ወርብዕ፨
- ተባሀሉ፡ በእንቲአከ፡ መላእክት፡ ወሰብእ፨
- ኢርኢነ፡ ዘከማከ፡ ጸጋሁ፡ ምሉእ፨
-
- ሰላም፡ ለዝክረ፡ ስምከ፡ ጥዑመ፡ ዝክር፡ ወስም፨
- ወለሥዕርተ፡ ርእስከ፡ ሰላም፡ ዘሕበሪሁ፡ ጸሊም፨
- እንጦንስ፡ ያሬድ፡ መፍቀሬ፡ ጸሎት፡ ወጾም፨
- ተዘኪረከ፡ ፍቅረ፡ ነፍስ፡ እምፍትወተ፡ ዝንቱ፡ ዓለም፨
- መኒነከ፡ ሖርከ፡ መንገለ፡ ገዳም፨
-
- ሰላም፡ ለፍልሰተ፡ ሥጋከ፡ ደብተራ፡ ብርሃን፡ ኀበ፡ ተተክለ፨
- በእደ፡ መላእክት፡ ኄራን፡ መንገለ፡ ሰማያት፡ ዘተልዕለ፨
- ቅዱስ፡ ያሬድ፡ ኀበ፡ ተወከፍከ፡ መስቀለ፨
- ኵሎሙ፡ ሐራ፡ ሰማይ፡ ገብሩ፡ በዓለ፨
- እምአፈ፡ እንስሳ፡ አርባዕ፡ ሰሚዖሙ፡ ቃለ፨
-
- ስብሐት፡ ይደሉ፡ ለማርያም፡ ዘከፈለተኒ፡ ቃላተ፨
- ለክብረ፡ መልክእከ፡ እንብብ፡ እንበለ፡ እጐንዲ፡ ግብተ፨
- ካህን፡ ያሬድ፡ አቅረብኩከ፡ ስብሐተ፨
- አሐዱ፡ እምኔሆሙ፡ እንዘ፡ ያጸንዕ፡ ትስብእተ፨
- ለዘኮኑ፡ በአካል፡ ወበስም፡ ሠለስተ፨
-
- ናሁ፡ አቅረብኩ፡ ለመልክእከ፡ አስትዐ፡ በረከት፡ ወእማኄ፨
- በልሳንየ፡ ድኩም፡ እንዘ፡ አቄርብ፡ ስባሔ፨
- ቅዱስ፡ ያሬድ፡ ዘተሰመይከ፡ ዐርከ፡ ኤሎሃ፨
- ኢይርኀቅ፡ እምኔየ፡ ኀይለ፡ ረድኤትከ፡ ኵለሄ፨
- እምእደ፡ ሞት፡ ይኩነኒ፡ ባላሔ፨