Subjects
Righteous
ዘማርያም፡
Zamāryām
Zamāryām
Zamāryām
Malkəʾ
-
- ሰላም፡ ለፅንሰትከ፡ ወለልደትከ፡ እማሕፀን፨
- ዳግማይ፡ ሰሎሞን፡ አበ፡ ጠቢባን፨
- ዘማርያም፡ ወልድከ፡ ወፍቅርከ፡ ምስኪን፨
- አስተበፅዐከ፡ በንባበ፡ ጽዱቅ፡ ልሳን፨
- ወእዌድሰከ፡ በኵሉ፡ ዘመን፨
-
- ሰላም፡ ለዝክረ፡ ስምከ፡ በስመ፡ ማርያም፡ ልኩእ፨
- ወለሥዕርትከ፡ ጸሊም፡ ከመ፡ ሕብረ፡ ቋዕ፨
- ዘማርያም፡ ነቢይ፡ ወሐዋርያ፡ ካልእ፨
- ባርከኒ፡ ለፍቁርከ፡ በሥርዓተ፡ ተልሚድ፡ ወረድእ፨
- አርአየ፡ ባረከ፡ ኤልያስ፡ ለረድኡ፡ ኤልሳዕ፨
-
- ሰላም፡ ለአዕይንቲከ፡ እለ፡ ነጸራ፡ ወርእያ፨
- በደሴተ፡ ዠንዳ፡ ተጽናስ፡ እንተ፡ ይእቲ፡ ቀጰዶቅያ፨
- ዘማርያም፡ ያዕቆብ፡ ዳግማይ፡ ሐዋርያ፨
- ዘመሐርከ፡ መስቀለ፡ ሞቱ፡ ለወልደ፡ ማርያም፡ ኬንያ፨
- አድባራት፡ በእንቲአከ፡ ብዙኀ፡ ተሐስያ፨
-
- ሰላም፡ ሰላም፡ ለግንዘትከ፡ ሰላም፨
- ወለመቃብሪከ፡ ልኩእ፡ በአዕባነ፡ ጸሎት፡ ወጸም፨
- ዘማርያም፡ አጽንዖ፡ ለሰብእናየ፡ ድኩም፨
- ወመሐሮ፡ ግብረ፡ ምናኔ፡ እምአፀደ፡ ዝንቱ፡ ዓለም፨
- ከመ፡ ይርሳእ፡ ህላዌሁ፡ ዘሥጋ፡ ወደም፨
-
- አምኃ፡ ሰላም፡ አቅረብኩ፡ ለመልክእከ፡ በጽዋዔ፨
- እንዘ፡ አስተታሉ፡ ካዕበ፡ ምስለ፡ ቃለ፡ ስብሐት፡ ለኢዝንጋዔ፨
- ዘማርያም፡ ፍቁሩ፡ ለክርስቶስ፡ ምክሐ፡ ጉባኤ፨
- አቁመኒ፡ በየማንከ፡ በአምሳለ፡ ፍቁር፡ ቍልዔ፨
- ከመ፡ ለሙታን፡ ይትገበር፡ ትንሣኤ፨