Malkəʾa Zayoḥannəs za-Kəbrān (Image of Zayoḥannəs of Kəbrān)

- ናሁ፡ ወጠንኩ፡ እንዘ፡ ኢያስተሐልፍ፡ ዕድሜ፨
- ሰላመ፡ መልክእከ፡ እንብብ፡ እንተ፡ አልቦቱ፡ ፍጻሜ፨
- መክበበ፡ ሃይማኖት፡ አንተ፡ ዘዮሐንስ፡ ጽጌ፡ አበሜ፨
- አለብወኒ፡ መጻሕፍተ፡ ወመሀረኒ፡ ትርጓሜ፨
- ከመ፡ ለቲቶ፡ መሀረ፡ ጳውሎስ፡ ዘሮሜ፨
- ሰላም፡ ለዝክረ፡ ስምከ፡ ዘሀሎ፡ ወይሄሉ፨
- እንዘ፡ ከመ፡ መና፡ ይጥዕም፡ ዘወረደ፡ እምላእሉ፨
- ዘዮሐንስ፡ ባሕርይ፡ ለዮሴፍ፡ ንዋየ፡ ብዕሉ፨
- መኑ፡ ከማከ፡ እግዚኦ፡ እምእለ፡ ገዳማተ፡ ዔሉ፨
- ዘየሐውር፡ ውስተ፡ ኀይል፡ ደቂቅከ፡ ይብሉ፨
- ሰላም፡ ለመቃብሪከ፡ መካነ፡ ሰላም፡ ወዕርቅ፨
- እለ፡ በውስቴታ፡ ተረክቡ፡ አምንፈሳውያን፡ ደቂቅ፨
- ዘዮሐንስ፡ ወልዱ፡ ለተክለ፡ ሃይማኖት፡ ጻድው፨
- ማእምረ፡ እምአመ፡ ኮንከ፡ በስብከተ፡ ገብርኤል፡ ሊቅ፨
- ደብረ፡ ሊባኖስ፡ ሐጻኒትከ፡ ትዌድሰከ፡ በጻህቅ፨
- ተዐብዮ፡ ነፍስየ፡ ለእግዚአብሔር፡ እስመ፡ ጸውዐኒ፡ በሥምረቱ፨
- ውዳሴ፡ መልክእከ፡ እንግር፡ እስከ፡ ፍጻሜሁ፡ እምጥንቱ፨
- ዘዮሐንስ፡ ዘንተ፡ ተዘኪረከ፡ ባሕቱ፨
- ጸውእ፡ ስምከ፡ ለዘበኅሊና፡ እፈቱ፨
- እምጻማ፡ እዴከ፡ ሀበኒ፡ በከንቱ፨

ተረፈ፡ መልክእ፡
- ሰላም፡ ለከ፡ ዘዮሐንስ፡ ኖኅ፡ አመ፡ ድምሳሴ፡ ሰብእ፡ በጽሐ፨
- ለድጽቀ፡ ሃይማኖት፡ ኮንከ፡ ወራሲሃ፨
- ዘብኵሕ፡ ሕበሪሃ፨
- ሶበ፡ ላዕሌየ፡ ተንሥኡ፡ ዕደወ፡ ሙስና፡ ወሀጕል፨
- አሐዱ፡ ኀይልከ፡ ገብርኤል፨
- ጸወነ፡ መድኃኒት፡ ይኩነኒ፡ ወምስካየ፡ ሣህል፨
- ጼና፡ ኵሉ፡ ዘዮሐንስ፡ ኮል፨

መልክአ፡ ዘዮሐንስ፡ ዘክብራን፡ Malkəʾa Zayoḥannəs za-Kəbrān

Image of Zayoḥannəs of Kəbrān