መልክአ፡ አኖሬዎስ፡ ዘደብረ፡ ጽጋጃ፡
Malkəʾa ʾAnorewos za-Dabra Ṣəgāǧǧā
Image of ʾAnorewos of Dabra Ṣəgāǧǧā
-
- ሰላም፡ ለዝክረ፡ ስምከ፡ ክቡር፡ ወልዑል፨
- ወለሥዕርትከ፡ ጽሑድ፡ በቅብአ፡ ትሩፋት፡ ወገድል፨
- አኖሬዎስ፡ ቤዝ፡ ወማኅቶተ፡ አሚን፡ ጽዱል፨
- ከመ፡ እክሀል፡ ስብሐተከ፡ ቅድመ፡ ሕዝበ፡ ሐዲስ፡ ወንጌል፨
- ባርከኒ፡ አባ፡ በቅዱስ፡ መስቀል፨
-
- ሰላም፡ ለግንዘተ፡ ሥጋከ፡ በመዐዛ፡ ሕይወት፡ ረቂቅ፨
- ወለመቃብሪከ፡ ሰላም፡ ፈጻሜ፡ ስእለት፡ ወጻህቅ፨
- አኖሬዎስ፡ ቶማስ፡ ሐዋርያ፡ ክርስቶስ፡ ሊቅ፨
- መሀረኒ፡ ሕገ፡ አፉከ፡ ወትምህርተ፡ ቃልከ፡ ጽድቅ፨
- እስመ፡ ይኄይሰኒ፡ ሊተ፡ እምአእላፍ፡ ወርቅ፨
-
- ናሁ፡ ወልድከ፡ እንዘ፡ አልቦቱ፡ ለብዎ፨
- ስብሐተ፡ ጸሐፈ፡ ለሥነ፡ መልክእከ፡ ዘይደልዎ፨
- አኖሬዎስ፡ ድኅረ፡ አስተዳሉ፡ ዘትጸግዎ፨
- ሀበኒ፡ ነገደ፡ ይእዜ፡ እግረ፡ ሣህልከ፡ ይትልዎ፨
- ወኀበ፡ ቀደሰ፡ ይቀድስ፡ ሀልዎ፨