Details
-
- በስመ፡ እግዚአብሔር፡ ሀላዊ፡ ኵለንታ፡ ባሕርዩ፨
- ወበዕበዩ፡ ክዱን፡ ስፉሐ፡ ጠባይዕ፡ ዕበዩ፨
- መርዓዊ፡ ክርስቶስ፡ አቤል፡ ዘፍትው፡ ሥነ፡ ላህዩ፨
- ሕዋሳትየ፡ ገነታት፡ ዘፈለገ፡ ፍቅርከ፡ ሰትዩ፨
- ፍሬ፡ ሰላምከ፡ መንፈሳዊ፡ ወጠኑ፡ ይፍረዩ፨
-
- ሰላም፡ ለፅንሰትከ፡ በሥርዓተ፡ ንጹሕ፡ ሰብሳብ፨
- ወለልደትከ፡ ሰላም፡ እምውሳጤ፡ ጸባብ፨
- መርዓዊ፡ ክርስቶስ፡ ሄኖክ፡ ከሣቴ፡ ኅቡእ፡ ጥበብ፨
- ሰላመከ፡ እክሥት፡ እምተከብቶ፡ ውስተ፡ ወንጌላዊት፡ ምኵራብ፨
- ንባበ፡ አምእሮ፡ ይኩነኒ፡ መለኮት፡ ንባብ፨
-
- ሰላም፡ ለዝክረ፡ ስምከ፡ ተምክሕተ፡ ኅሩያን፡ እንግልጋ፨
- ወለሥዕርትከ፡ ድሉል፡ ዘውእቱ፡ አክሊለ፡ ጸጋ፨
- መርዓዊ፡ ክርስቶስ፡ ኖኅ፡ ለጽድቅ፡ ዜናዌ፡ ሕጋ፨
- አባ፡ ሀበኒ፡ ለወልድከ፡ እምተረፈ፡ ጸጋከ፡ ጸጋ፨
- ምልእተ፡ ውዳሴከ፡ እንብብ፡ ዘሕሩም፡ እምንትጋ፨
-
- ነዋ፡ አቅረብኩ፡ በግናይ፡ ወአስተብርኮ፨
- ትጸግወኒ፡ ለወልከ፡ ሕፁፀ፡ ምግባር፡ ወተልእኮ፨
- መርዓዊ፡ ክርስቶስ፡ እምገድል፡ ዘኢተአምር፡ አውክኮ፨
- ወኢትበለኒ፡ ባሕቱ፡ ድልወትከ፡ አኮ፨
- እንዘ፡ ኢቡሩክ፡ አነ፡ ኪያየ፡ ባርኮ፨
- ተረፈ፡ መልክእ፡
-
- ሰላም፡ ለከ፡ ጸዋሬ፡ ሐዲሳን፡ አዕጹቅ፡ መርዓዊ፡ ክርስቶስ፡ ዘይት፨
- እንተ፡ ሰቀይከ፡ ትፍረይ፡ ፍሬ፡ ትሩፋት፨
- ክርስቶስ፡ ነቅዐ፡ ሕይወት፨
-
- ሰላም፡ ለከ፡ ምስለ፡ አኖሬዎስ፡ አብ፡ ፊባኑ፡ ለባሴ፡ ትሕትና፡ ሐዲስ፨
- ወሱታፌ፡ ጊዮርጊስ፨
- ሐውጸተ፡ አዝልፍ፡ መርዓዊ፡ ክርስቶስ፡ እሊአሃ፡ ለዛቲ፡ መቅደስ፨