Subjects
Righteous
ዳዊት፡
Dāwit
Dāwit II
Dāwit II
Malkəʾ
-
- በስመ፡ አብ፡ ወወልድ፡ ወመንፈስ፡ ቅዱስ፡ ሠለስቱ፨
- ሕንጻ፡ ስመ፡ ዳዊት፡ ወጠንኩ፡ ምስለ፡ መዘምራን፡ ላእካነ፡ ቤቱ፨
- ለሕንጻ፡ ዳዊት፡ ማሕሌት፡ ዘያስተፌሥሕ፡ ሥነ፡ ርእየቱ፨
- እንዘ፡ ተወጥኖቱ፡ ለሰብእ፡ ተፍጻሜቱ፨
- በመንፈስ፡ ቅዱስ፡ አኮኑ፡ ውእቱ፨
-
- ሰላም፡ ለፅንሰትከ፡ ወለልደትከ፡ ክቡር፨
- እንተ፡ ቀዳሚ፡ ተነግረ፡ በአፈ፡ ጻድቅ፡ ማእምር፨
- ዳዊት፡ አጽማለ፡ እኂዘ፡ ዳዊት፡ ጠፈር፨
- እነግር፡ ጽድቀ፡ ወልድከ፡ ቴዎድሮስ፡ በኵር፨
- አምጣነ፡ ሎቱ፡ ተከፍለ፡ ወአርመመ፡ ባሕር፨
-
- ሰላም፡ ለዝክረ፡ ስምከ፡ በስመ፡ ዳዊት፡ ዘሰመይዎ፨
- ንቡራነ፡ እድ፡ ካህናት፡ እለ፡ ቀደሙ፡ ዜንዎ፨
- ዳዊት፡ ለዳዊት፡ በፍኖተ፡ ስም፡ ዘትአልዎ፨
- እምቀደምት፡ ወደኃሪት፡ ነገሥት፡ ጥበብ፡ ወለብዎ፨
- ዘመጠነዝ፡ መንግሥት፡ ለመኑ፡ ሀለዎ፨
-
- ሰላም፡ ለግንዘተ፡ ሥጋኪ፡ ሊቀ፡ ጳጳሳት፡ ዘአንጾኪያ፨
- ወለመቃብሪከ፡ ሰላም፡ በመንበረ፡ ማርቆስ፡ እስክንድርያ፨
- ዳዊት፡ አልዓዛር፡ ዐርከ፡ እግዚእነ፡ ሐዋርያ፨
- ትበክየከ፡ ደብረ፡ ከርቤ፡ ወታስቆቀወከ፡ ነያ፨
- ምስለ፡ ማርታ፡ ደብረ፡ ወርቅ፡ ማርያ፨
-
- ሰላም፡ ለትንሣእከ፡ ትንሣኤ፡ ጻድቃን፡ ዘይጸንሕ፨
- ለዘይጸድቅ፡ ብእሲ፡ እስከነ፡ ይገብእ፡ ፍትሕ፨
- ዳዊት፡ ጻድቅ፡ ዳዊት፡ የዋህ፨
- ሰአሎ፡ ለአምላክከ፡ በማየ፡ ንስሓ፡ ንጹሕ፨
- ከመ፡ ያንጽሐኒ፡ ለብእሲ፡ ርኅሩኅ፨
-
- ስብሐት፡ ለእግዚአብሔር፡ ወለማርያም፡ ወላዲቱ፨
- አምጣነ፡ ፈጸምኩ፡ አነ፡ መዝሙረ፡ ዳዊት፡ በበ፡ ጽልወቱ፨
- ዜና፡ ቈስጠንጢኖስ፡ ወልዱ፡ እትናገር፡ ለለ፡ ዕለቱ፨
- ለንጉሠ፡ ነገሥት፡ ዳዊት፡ እምድኅረ፡ ኀልቀ፡ ሕይወቱ፨
- ዲበ፡ መንበረ፡ ዳዊት፡ ትጸንእ፡ መንግሥቱ፨