Subjects
Righteous
ሠርጸ፡ ጴጥሮስ፡
Śarṣa Ṗeṭros
Śarṣa Ṗeṭros
Śarṣa Ṗeṭros
Śarṣa Ṗeṭros
Malkəʾ
-
- በስመ፡ እግዚአብሔር፡ ወሃቢ፡ እምዕለ፡ መዝገቡ፡ ፍጡነ፨
- ለጽሙማን፡ አእዛነ፡ ወለበሐማን፡ ልሳነ፨
- አባ፡ ምልአኒ፡ ዘመንፈስ፡ ቅዱስ፡ ኪነ፨
- ዘመልክእከ፡ ውዳሴ፡ እንተ፡ አኀዝኩ፡ ወጢነ፨
- ለፈጽሞቱ፡ ኢይኩን፡ ስኡነ፨
-
- ሰላም፡ ለዝክረ፡ ስምከ፡ ዘሐዋዝ፡ ጣዕሙ፨
- እመዐዛ፡ ጽጌ፡ ዘኮል፡ ወለአስካለ፡ ወይን፡ እመ፡ ደሙ፨
- ሠርጸ፡ ጴጥሮስ፡ ንጹሕ፡ ሱታፌ፡ መላእክት፡ ኵሎሙ፨
- ተበሀሉ፡ በእንቲአከ፡ ነቢያተ፡ እስራኤል፡ ቀዲሙ፨
- ዕፍረተ፡ መዐዛ፡ ቅድው፡ ዘትሰውጠ፡ ስሙ፨
-
- ሰላም፡ ለማዕተበ፡ እዴከ፡ ለአንጽሖ፡ ሕማም፡ ወለምጽ፨
- እንተ፡ እምኔሁ፡ ተክዕወ፡ ሐፈ፡ ተአምር፡ ወራኅፅ፨
- ሠርጸ፡ ጴጥሮስ፡ ፀሓይ፡ ጽዱለ፡ መልክእ፡ ወገጽ፨
- በትርከ፡ ይቅሥፍ፡ እድዋንየ፡ ወመስቀልከ፡ ዘዕፅ፨
- አምሳለ፡ አሕዛብ፡ ተቀሥፈ፡ ወኀልቁ፡ በግብጽ፨
-
- ሰላም፡ ለፍልሰተ፡ አፅምከ፡ እንተ፡ አውረደ፡ እሳተ፨
- በቤተ፡ ብእሲ፡ መነኮስ፡ ዘተቀብሎቶ፡ አስተተ፨
- ሠርጸ፡ ጴጥሮስ፡ ዕጉሥ፡ በእንተ፡ ጽድቅ፡ ሰደተ፨
- መኑ፡ ከማከ፡ መምህርየ፡ እንዘ፡ ይገብር፡ ኀይላተ፨
- በአፅሙ፡ እምድኅረ፡ ሞት፡ ዘኮነ፡ ሰማዕተ፨
-
- ለፊላታዎስ፡ ብፁዕ፡ እንዘ፡ ፍናዊሁ፡ ይተሉ፨
- ወየሐውር፡ ዘልፈ፡ ለሚካኤል፡ በፍና፡ ሣህሉ፨
- ሶበ፡ እምዓለም፡ አዕረፈ፡ ሠርጸ፡ ጴጥሮስ፡ መምህረ፡ ኵሉ፨
- እነግር፡ ጽድቀ፡ ዘርኢኩ፡ በዘይረትዕ፡ ወይደሉ፨
- እወ፡ እወ፡ ማየ፡ አንብዕ፡ አውሐዘ፡ መስቀሉ፨