Subjects
Righteous
ሀብተ፡ ማርያም፡
Habta Māryām
Habta Māryām
Habta Māryām
Habta Māryām
Malkəʾ
-
- በስመ፡ እግዚአብሔር፡ አብ፡ እምቅድመ፡ ዓለማት፡ ዘሀሎ፨
- ወበስመ፡ እግዚአብሔር፡ ወልድ፡ ለሥጋ፡ ማርያም፡ እንተ፡ አልዐሎ፨
- ወመንፈስ፡ ቅዱስ፡ አሐዱ፡ እምኔሆሙ፡ በኢሰስሎ፨
- አኀሥሥ፡ ሰሌዳ፡ ስሙ፡ ከመ፡ እጽሐፍ፡ ፊደሎ፨
- እምኀበ፡ አልቦ፡ ግብር፡ እሉ፡ ዘአምጽአ፡ ኵሎ፨
-
- ሰላም፡ ለፅንሰትከ፡ እመሐፀነ፡ ቅድስት፡ ዮስቲና፨
- በብስራተ፡ ጻድቅ፡ ባሕታዊ፡ ሠናየ፡ ዜና፨
- ሀብተ፡ ማርያም፡ ጴጥሮስ፡ ሐዋርያ፡ ወልደ፡ ዮና፨
- መሐረኒ፡ ምግባረ፡ ጽድቅ፡ ወጸግወኒ፡ ልቡና፨
- አፍቅሮተ፡ ቢጽ፡ እኅሥሥ፡ ዘምስለ፡ ፍጽምት፡ ትሕትና፨
-
- ሰላም፡ ለዝክረ፡ ስምከ፡ ዘይትፈቀር፡ እምወይን፨
- ወዘያረስዕ፡ ጽምአ፡ በደኃራዊ፡ ዘመን፨
- ሀብተ፡ ማርያም፡ ፍቁሩ፡ ለወልደ፡ ማርያም፡ ሕፃን፨
- ከመ፡ ሰአለከ፡ አስተሐሚሞ፡ ተክለ፡ ሃይማኖት፡ ምእመን፨
- እስእለከ፡ ታድኅነኒ፡ እምኵሉ፡ ኀዘን፨
-
- ሰላም፡ ለመቃብሪከ፡ ለደብረ፡ ሊባኖስ፡ ገዳሙ፨
- ለተክለ፡ ሃይማኖት፡ አቡነ፡ ዘቀሠብረ፡ አፅሙ፨፨
- በአሚን፡ ወበቅፍር፡ እስመ፡ ስንእዋን፡ አንትሙ፨
- ጥዑም፡ ስምከ፡ ሀብተ፡ ማርያም፡ በከመ፡ ጥዑም፡ ስሙ፨
- እመዐር፡ ወሶከር፡ ይቤሉ፡ ኵሎሙ፨
-
- ሰላም፡ ለትንሣኤ፡ ሥጋከ፡ ምስለ፡ ነፍስከ፡ በደርግ፨
- ወአባላቲከ፡ ኵሉ፡ እንበለ፡ አሐዱ፡ ነቲግ፨
- ሀብተ፡ ማርያም፡ ክቡር፡ እምነ፡ ክቡራን፡ አእሩግ፨
- ኀበ፡ እሳት፡ ማኅደርከ፡ እለ፡ ይመጽኡ፡ በጹግ፨
- ኢይክሉ፡ አጥፍኦቶ፡ ብዙኃን፡ አፍላግ፨
-
- ለዝንቱ፡ ቃለ፡ ማሕሌት፡ ወለዝንቱ፡ ድርሳን፨
- ዘያነብቦ፡ በቃል፡ ወዘይሰምዖ፡ በእዝን፨
- እብዚአብሔር፡ ይቅብኦ፡ ለሀብተ፡ ማርያም፡ ኪዳን፨
- ወዘያሰትቶ፡ በልቡናሁ፡ ምኑን፨
- ከመ፡ ዳታን፡ ወአቤሮን፡ ይትኰነን፡ በደይን፨