Details
-
- ለዘወጠንኩ፡ ወልድከ፡ በቃለ፡ በቋዒ፡ ሰላም፨
- ሰላመ፡ መልክእከ፡ ኣንብብ፡ ዘሥነ፡ መልክኡ፡ አዳም፨
- አቡየ፡ ዮናስ፡ ወአበ፡ ኵሉ፡ ዓለም፨
- አብጽሐኒ፡ እስከ፡ እክል፡ ፈጽሞ፡ በረድኤትከ፡ ግሩም፨
- ውሂበ፡ ዐሥብየ፡ ሥመር፡ በዓለም፡ ዳግም፨
-
- ሰላም፡ ለዝክረ፡ ስምከ፡ ከመ፡ ስመ፡ አምላክ፡ ክቡር፨
- ዘይገብር፡ ኀይለ፡ ውስተ፡ ገጸ፡ የብስ፡ ወባሕር፨
- ነቢየ፡ ደብረ፡ ሣህል፡ ዮናስ፡ ወዘደብረ፡ ሰላም፡ መምህር፨
- አመ፡ በዓልከ፡ በዓለ፡ ሰላም፡ ወፍቅር፨
- ተፈሥሑ፡ ሰማያት፡ ወተኀሤት፡ ምድር፨
-
- ሰላም፡ ለትንሣኤከ፡ በንፍሐተ፡ ቀርን፡ ሠላስ፨
- አመ፡ ይትነሥኡ፡ ሙውታን፡ በአካለ፡ ሥጋ፡ ወነፍስ፨
- ቢጸ፡ ሱራፌል፡ ዮናስ፡ ካህነ፡ አርያም፡ መቅደስ፨
- አዕዱ፡ ደቂቀከ፡ እምባሕረ፡ ኵነኔ፡ ተጽናስ፨
- በገነተ፡ ተድላ፡ ይንበሩ፡ በዓለም፡ ሐዳስ፨
-
- ለዘሐለየ፡ ወልድከ፡ ጥዑመ፡ ማሕሌት፡ ሠናየ፨
- በኍልቈ፡ መልክእከ፡ ኵሉ፡ ዘተሠርገወ፡ ዕበየ፨
- ኀሤተ፡ ሥጋየ፡ ዮናስ፡ ወትፍሥሕተ፡ ኃጥእት፡ ነፍስየ፨
- በለኒ፡ በሰማያት፡ ክብረ፡ ሰማያዊ፡ አቡየ፨
- እሁበከ፡ አነ፡ ኢትፍራህ፡ ወልድየ፨