Subjects
Martyr
ኢየሉጣ፡
ʾIyaluṭṭā
Julitta
Julitta
Malkəʾ
-
- ኣቀድም፡ አእኵቶቶ፡ ለእግዚአብሔር፡ ቅዱስ፨
- በእንተ፡ ኢየሱስ፡ ክርስቶስ፨
- ወአተሉ፡ ካዕበ፡ ዜና፡ ኢየሉጣ፡ ሐዳስ፨
- እስመ፡ ተክዕወ፡ በላዕሌየ፡ ፍቅረ፡ ውዳሴሃ፡ ተርሴስ፨
- ዘያስጥሞሙ፡ ለሥጋ፡ ወነፍስ፨
-
- ሰላም፡ ለዝክረ፡ ስምኪ፡ አምሳለ፡ መዓር፡ ጥዑም፨
- ለአፈ፡ ኵሉ፡ ዓለም፨
- ኢየሉጣ፡ እምነ፡ ምስለ፡ ማርያም፨
- ሐውጺ፡ ለለዕለቱ፡ ደቂቀ፡ ዛቲ፡ ኤላም፨
- አምጣነ፡ አልቦሙ፡ እንበሌኪ፡ እም፨
-
- ሰላም፡ ለበድነ፡ ሥጋኪ፡ ዘምዑዝ፡ ከመ፡ መጽርይ፨
- ኢየሉጣ፡ ባሕርይ፨
- ለመካነ፡ ሥጋኪሰ፡ ኢያእመርክዎ፡ ጊጉይ፨
- እመኒ፡ ሰረገላ፡ ከመ፡ ወልድኪ፡ ኅሩይ፨
- ወለእመሂ፡ ከማየ፡ መቃብር፡ ክሩይ፨
-
- ስብሐት፡ ለአብ፡ ወለወልድ፡ አኰቴት፨
- ወለመንፈስ፡ ቅዱስ፡ ባርኮት፨
- እስመ፡ አንቅሁኒ፡ ሊተ፡ ለነቢቦ፡ ዝንቱ፡ ስብሐት፨
- ባሕቱ፡ ኢይኀጣእ፡ ዕሴትየ፡ እምኢየሉጣ፡ ኅሪት፨
- እስመ፡ ለቅኑይ፡ ይደሉ፡ ዕሴት፨