Subjects
Martyr
ማርታ፡
Mārtā
Martha
Martha
Malkəʾ
-
- በስመ፡ እግዚአብሔር፡ ዘሀሎ፡ በስብሐተ፡ ንግሡ፡ እንበለ፡ ጥንት፨
- ወይሄሉ፡ ዓዲ፡ እንበለ፡ ተፍጻሜት፨
- ውዳሴ፡ መልክእኪ፡ እንብብ፡ ማርታ፡ በትንባሌኪ፡ ቡርክት፨
- ያስትየኒ፡ ወይነ፡ አእምሮ፡ እምጽዋዔ፡ ጥበብ፡ ኅሪት፨
- ከመ፡ ለሱቱኤል፡ መልአከ፡ ገጽ፡ አስተዮ፡ ትካት፨
-
- ሰላም፡ እብል፡ ለዝክረ፡ ስምኪ፡ እንዘ፡ ኣሌዕል፡ ዕበያ፨
- እምዝክረ፡ ብዙኃት፡ አንስት፡ እለ፡ ውስተ፡ ሮም፡ ወአንጾኪያ፨
- ማርታ፡ ዳግሚት፡ እኅተ፡ አልዓዛር፡ ወማርያ፨
- ለሥዕርትኪ፡ ሰላም፡ ወለርእስኪ፡ ነያ፨
- ደብረ፡ ቄርሜሎስ፡ ዘይመስል፡ አያያ፨
-
- ሰላም፡ ለቆምኪ፡ ወለመልክእኪ፡ ኵሎን፨
- ለፀአተ፡ ነፍስኪ፡ ወለበድነ፡ ሥጋኪ፡ ወለተ፡ አበው፡ ኄራን፨
- ማርታ፡ ብፅዕት፡ ሰይፈ፡ ብፅዓን፨
- እምኔኪ፡ እንተ፡ ተወልደ፡ ዕንቈ፡ ጳዝዮን፨
- ፊቅጦር፡ ዘያስተርኢ፡ ንኩረ፡ ለዓይን፨
-
- ከመ፡ እከሀል፡ ጥንቁቀ፡ ፈጽሞ፡ ውዳሴ፡ መልክእኪ፡ በበጾታሁ፨
- ንስቲተ፡ በተሀብሎ፡ ዘአቅረብኩ፡ ናሁ፨
- ተወከፊ፡ ሊተ፡ ማርታ፡ ሶበ፡ አብአት፡ ቅድሜሁ፨
- አሐቲ፡ ብእሲት፡ ከመ፡ ተወከፈ፡ ጻራይቀ፡ ለሊሁ፨
- ክርስቶስ፡ አምላክኪ፡ ዘፍድፉድ፡ ጽጋሁ፨