Details
-
- እወጥን፡ አንሰ፡ ማሕሌተ፡ መልክእክሙ፡ በዘምሮ፨
- ወዓዲ፡ ለጣዕሙ፡ እምጣዕመ፡ መዓር፡ ዘአፍቀሮ፨
- ይምርሐነ፡ ክርስቶስ፡ ወላሊበላ፡ ነአኵቶ፡ ለአብ፡ በአኅብሮ፨
- መኑ፡ እምሰብእ፡ ነባቢ፡ ዘኢያነክር፡ አንክሮ፨
- ዜና፡ ገድልክሙ፡ ሶበ፡ ሰምዐ፡ ወለበወ፡ ግብሮ፨
-
- ሰላም፡ ሰላም፡ ለዝክረ፡ ስምክሙ፡ በጠይቆ፨
- እምዘ፡ ኣቄርብ፡ ለክሙ፡ ማሕሌተ፡ ስብሐት፡ በቃለ፡ መሰንቆ፨
- ይምርሐነ፡ ክርስቶስ፡ ወላሊበላ፡ ነአኵቶ፡ ለአብ፡ በተላጽቆ፨
- ዘያፈቅር፡ ኪያክሙ፡ እማዕምቀ፡ ልብ፡ ጽሒቆ፨
- አፍቅርዎ፡ ወኮንዎ፡ ማዕምር፡ ወአውቆ፨
-
- ሰላም፡ ለፀአተ፡ ነፍስክሙ፡ ወለበድነ፡ ሥጋክሙ፡ ባሕርይ፨
- እለ፡ ተገንዙ፡ ይኑሙ፡ በንፍቀ፡ ባሕርይ፡ ሠናይ፨
- ይምርሐነ፡ ክርስቶስ፡ ወላሊበላ፡ ነአኵቶ፡ ለአብ፡ እስከ፡ ትንሣኤ፡ ዐባይ፨
- ነአኵቶ፡ ለአብኒ፡ ዘስዋሬ፡ ሰማይ፨
- ጠለ፡ ኪዳንክሙ፡ ያርሕወኒ፡ ለጽሙእ፡ ነዳይ፨