Subjects
Martyr
ጊዮርጊስ፡
Giyorgis
George
George
Malkəʾ
-
- ሰላም፡ ለዝክረ፡ ስምከ፡ አመ፡ በዓለም፡ ደምፀ፨
- ከመ፡ ዘዴገና፡ ፀራዊ፡ ልበ፡ ብርያል፡ ደንገጸ፨
- ጊዮርጊስ፡ ምላህ፡ እምኅሊናየ፡ ሕፀፀ፨
- በቅድመ፡ ስብዓ፡ ነገሥት፡ እስመ፡ ኢፈራህኩ፡ ገጸ፨
- ሰጊድ፡ ለፈጣሪ፡ ዘአንጽሖ፡ ለምጸ፨
-
- ሰላም፡ ለሥዕርተ፡ ርእስከ፡ ቈናዝዐ፡ ምግባር፡ ዘተጸፍረ፨
- ወለርእስከ፡ ሰላም፡ አክሊለ፡ ሃይማኖት፡ ዘጾረ፨
- ጊዮርጊስ፡ እግርከ፡ ከመ፡ አንሶሰወ፡ ምድረ፨
- በቅድመ፡ ሥላሴ፡ ገድለ፡ ዚአከ፡ ተነከረ፨
- ወአጽመ፡ ሥጋከ፡ አንሥአ፡ ቀብረ፨
-
- ሰላም፡ ለአጻብዒከ፡ ወለአጽፋረ፡ እግርከ፡ ዐሥርቱ፨
- ለቆምከ፡ ሰላም፡ ወለመልክእከ፡ በበ፡ እብረቱ፨
- ኮከበ፡ ልዳ፡ ጊዮርጊስ፡ በኢትዮጵያ፡ ማኅቶቱ፨
- አኮ፡ አኮ፡ በከናፍርየ፡ ዝንቱ፨
- ዳዕሙ፡ ዘወደስኩከ፡ እምልብየ፡ ውእቱ፨
-
- ጊዮርጊስ፡ እቀውም፡ ቅድሜከ፡ እንበለ፡ ምግባር፡ በከንቱ፨
- አምላከ፡ ነቢይ፡ ዳንኤል፡ ወአምላከ፡ ደቂቅ፡ ሠለስቱ፨
- ቤዛ፡ ነፍስየ፡ ወሥጋየ፡ ለዲያብሎስ፡ እምትምይንቱ፨
- ኢየኀሥሥ፡ እመላእክት፡ ወእምቅዱሳን፡ ትስዓቱ፨
- ይበቍዐኒ፡ ጊዮርጊስ፡ ባሕቲቱ፨