Subjects
Martyr
ጊዮርጊስ፡
Giyorgis
George
George
Malkəʾ
-
- ብዝኀ፡ ውዳሴከ፡ ዘልፈ፡ ሶበ፡ ትፈቅድ፡ ነፍስየ፨
- በሕገ፡ ሥጋ፡ ወደም፡ ይደክመኒ፡ ኀይልየ፨
- ዮርጊስ፡ ዳእሙ፡ ተስጥወኒ፡ ቃልየ፨
- ወሰከኒ፡ በኪዳንከ፡ ከመ፡ አፉየ፡ ጸለየ፨
- ሞገሰ፡ ስምከ፡ ያሞግሶ፡ ስምየ፨
-
- ሰላም፡ ለዝክረ፡ ስምከ፡ እንተ፡ የዐውዶ፡ መዐዛ፨
- ወለሥዕርተ፡ ርእስከ፡ ጽሑድ፡ ዘርእስከ፡ አክሊለ፡ ቤዛ፨
- ጊዮርጊስ፡ ኀያል፡ ፍጡነ፡ ረድኤት፡ ከመ፡ ሰኬዛ፨
- ያድኅነኒ፡ ደመ፡ ስምዕከ፡ ለንኡሰ፡ ወሬዛ፨
- እምባሕለ፡ ልሳን፡ ስክርት፡ ዘይቅትል፡ ሕምዛ፨
-
- ሰላም፡ ለመልክእከ፡ በደመ፡ ስምዕ፡ ዘተሐፅበ፨
- ጊዜ፡ ፍልጠተ፡ ነፍስ፡ እምሥጋ፡ አመጽዋዐ፡ ሰይፍ፡ ሰረበ፨
- ጊዮርጊስ፡ ንሥአኒ፡ ከመ፡ እኩን፡ ማዕተበ፨
- ወምላእ፡ ውስተ፡ ልብየ፡ ወመጠነ፡ ኆፃ፡ ባሕር፡ ጥበበ፨
- እምነ፡ ፍቅር፡ ኢታፈቅር፡ መዝገበ፨
-
- ሰላም፡ ለበድነ፡ ሥጋከ፡ ግብረ፡ ትንሣኢሁ፡ ዘሰበከ፨
- ወለግንዘትከ፡ ሰላም፡ ምስለ፡ ገባሬ፡ ኀይል፡ ዝኅርከ፨
- መሥዋዕተ፡ አምልኮ፡ እንተ፡ ዘተክዕወ፡ ደምከ፨
- ይትፌሥሐኒ፡ ኅሊናየ፡ ሶበ፡ እጼሊ፡ ኪያከ፨
- ውስተ፡ ሰማያት፡ አጥረይኩ፡ አርከ፨
-
- ጊዮርጊስ፡ ተወክፍ፡ አምኃ፡ ሰላምየ፡ ዘፍቅር፨
- ወተናበብ፡ ቃለ፡ በልሳነ፡ ሰማይ፡ ወምድር፨
- ሊተኒ፡ ለሕጹጸ፡ ጥበብ፡ ወምክር፨
- አንብረኒ፡ ከመ፡ ሕልቀት፡ ውስተ፡ ልብከ፡ ክቡር፨
- እምነ፡ ዛቲ፡ ትውልድ፡ እስመ፡ ሐልቀ፡ ኄር፨
-
- ነዓ፡ ኀቤየ፡ እግዚኦ፡ ጸሎተ፡ ልብየ፡ እጼሊ፨
- እንዘ፡ እትአመን፡ ኀይለከ፡ ወረድኤትከ፡ እሔሊ፨
- ከመ፡ እስራኤል፡ ድኅኑ፡ እመልአከ፡ ሞት፡ በደመ፡ ጠሊ፨
- አድኅነኒ፡ ወባልሐኒ፡ ጊዜ፡ ተንሥአ፡ ቀታሊ፨
- በደመ፡ ስምከ፡ ዘተክዕወ፡ ጊዮርጊስ፡ ከሃሊ፨